مری صہبا پرستی مورد الزام ہے ساقی — غلام ربانی تاباں
شاعر
مری صہبا پرستی مورد الزام ہے ساقی
مری صہبا پرستی مورد الزام ہے ساقی
خرد والوں کی محفل میں جنوں بدنام ہے ساقی
جنوں میں اور خرد میں در حقیقت فرق اتنا ہے
وہ زیر در ہے ساقی اور یہ زیر دام ہے ساقی
سوئے منزل بڑھے جاتا ہوں مے خانہ بہ مے خانہ
مذاق جستجو تشنہ لبی کا نام ہے ساقی
کبھی جو چار قطرے بھی سلیقے سے نہ پی پائے
وہ رند خام ہے ساقی وہ ننگ جام ہے ساقی
نہیں ہے آج بھی شائستہ آداب مے نوشی
وہ اک رند بلاکش جس کا تاباںؔ نام ہے ساقی
غلام ربانی تاباں
meri sahba-parasti mawrid-e-ilzam hai saqi
meri sahba-parasti mawrid-e-ilzam hai saqi
khirad walon ki mahfil mein junun badnam hai saqi
junun mein aur khirad mein dar-haqiqat farq itna hai
wo zir-e-dar hai saqi aur ye zir-e-dam hai saqi
suy-e-manzil baDhe jata hun mai-khana ba mai-khana
mazaq-e-justaju tishna-labi ka naam hai saqi
kabhi jo char qatre bhi saliqe se na pi paye
wo rind-e-kham hai saqi wo nang-e-jam hai saqi
nahin hai aaj bhi shaista-e-adab-e-mai-noshi
wo ek rind-e-balakash jis ka Taban naam hai saqi
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں