ملے گا درد تو درماں کی آرزو ہوگی — غلام ربانی تاباں
شاعر
ملے گا درد تو درماں کی آرزو ہوگی
ملے گا درد تو درماں کی آرزو ہوگی
تمام عمر غرض صرف جستجو ہوگی
پھر آج دل سے مخاطب ہے شب کا سناٹا
پھر آج صبح تلک ان کی گفتگو ہوگی
جنوں کا شغل سلامت رفو کی فکر نہ کر
کسے خبر ہے کہ کب فرصت رفو ہوگی
ابھی جلیں گے یہاں اور بے رخی کے چراغ
اس انجمن میں وفا اور سرخ رو ہوگی
چلے گی بات جہاں تیری کج ادائی کی
مری وفا بھی تو موضوع گفتگو ہوگی
بچیں گے برق حوادث سے آشیاں کب تک
کہ تیز تر ابھی تحریک رنگ و بو ہوگی
ملیں گے راہ میں ایسے بھی ہم سفر تاباںؔ
قدم قدم جنہیں منزل کی جستجو ہوگی
غلام ربانی تاباں
milega dard to darman ki aarzu hogi
milega dard to darman ki aarzu hogi
tamam umr gharaz sirf justaju hogi
phir aaj dil se mukhatib hai shab ka sannata
phir aaj subah talak un ki guftugu hogi
junun ka shughl salamat rafu ki fikr na kar
kise khabar hai ki kab fursat-e-rafu hogi
abhi jalenge yahan aur be-rukhi ke chiragh
is anjuman mein wafa aur surkh-ru hogi
chalegi baat jahan teri kaj-adai ki
meri wafa bhi to mauzu-e-guftugu hogi
bachenge barq-e-hawadis se ashiyan kab tak
ki tez-tar abhi tahrik-e-rang-o-bu hogi
milenge rah mein aise bhi ham-safar Taban
qadam qadam jinhen manzil ki justaju hogi
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں