قصور عشق میں ظاہر ہے سب ہمارا تھا — غلام ربانی تاباں
شاعر
قصور عشق میں ظاہر ہے سب ہمارا تھا
قصور عشق میں ظاہر ہے سب ہمارا تھا
تری نگاہ نے دل کو مگر پکارا تھا
وہ دن بھی کیا تھے کہ ہر بات میں اشارا تھا
دلوں کا راز نگاہوں سے آشکارا تھا
ہوائے شوق نے رنگ حیا نکھارا تھا
چمن چمن لب و رخسار کا نظارا تھا
فریب کھا کے تری شوخیوں سے کیا پوچھیں
حیات و مرگ میں کس کی طرف اشارا تھا
سجود حسن کی تمکیں پہ بار تھا ورنہ
جبین شوق کو یہ ننگ بھی گوارا تھا
چمن میں آگ نہ لگتی تو اور کیا ہوتا
کہ پھول پھول کے دامن میں اک شرارا تھا
تباہیوں کا تو دل کی گلہ نہیں لیکن
کسی غریب کا یہ آخری سہارا تھا
بہت لطیف تھے نظارے حسن برہم کے
مگر نگاہ اٹھانے کا کس کو یارا تھا
یہ کہیے ذوق جنوں کام آ گیا تاباںؔ
نہیں تو رسم و رہ آگہی نے مارا تھا
غلام ربانی تاباں
Qusoor-e-ishq mein zaahir hai sab hamara tha
Qusoor-e-ishq mein zaahir hai sab hamara tha
Teri nigah ne dil ko magar pukara tha
Woh din bhi kya the ke har baat mein ishaara tha
Dilon ka raaz nigahon se aashkara tha
Hawa-e-shauq ne rang-e-haya nikhara tha
Chaman chaman lab-o-rukhsaar ka nazara tha
Fareb kha ke teri shokhiyon se kya poochen
Hayaat-o-marg mein kis ki taraf ishaara tha
Sajood-e-husn ki tamkeen pe baar tha varna
Jabeen-e-shauq ko yeh nang bhi gawara tha
Chaman mein aag na lagti to aur kya hota
Ke phool phool ke daaman mein ek sharara tha
Tabahiyon ka to dil ki gila nahin lekin
Kisi ghareeb ka yeh aakhri sahara tha
Bahut lateef the nazaare husn-e-barham ke
Magar nigah uthane ka kis ko yaara tha
Yeh kahiye zauq-e-junoon kaam aa gaya Taaban
Nahin to rasm-o-reh aagahi ne mara tha
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں