رہ گزر ہو یا مسافر نیند جس کو آئے ہے — غلام ربانی تاباں
شاعر
رہ گزر ہو یا مسافر نیند جس کو آئے ہے
رہ گزر ہو یا مسافر نیند جس کو آئے ہے
گرد کی میلی سی چادر اوڑھ کے سو جائے ہے
قربتیں ہی قربتیں ہیں دوریاں ہی دوریاں
آرزو جادو کے صحرا میں مجھے دوڑائے ہے
وقت کے ہاتھوں ضمیر شہر بھی مارا گیا
رفتہ رفتہ موج خوں سر سے گزرتی جائے ہے
میری آشفتہ سری وجہ شناسائی ہوئی
مجھ سے ملنے روز کوئی حادثہ آ جائے ہے
یوں تو اک حرف تسلی بھی بڑی شے ہے مگر
ایسا لگتا ہے وفا بے آبرو ہو جائے ہے
زندگی کی تلخیاں دیتی ہیں خوابوں کو جنم
تشنگی صحرا میں دریا کا سماں دکھلائے ہے
کس طرح دست ہنر میں بولنے لگتے ہیں رنگ
مدرسے والوں کو تاباںؔ کون سمجھا پائے ہے
غلام ربانی تاباں
rahguzar ho ya musafir neend jis ko aaye hai
rahguzar ho ya musafir neend jis ko aaye hai
gard ki maili si chadar odh ke so jaye hai
qurbaten hi qurbaten hain duriyan hi duriyan
aarzu jadu ke sahra mein mujhe daudaye hai
waqt ke hathon zamir-e-shahr bhi mara gaya
rafta rafta mauj-e-khun sar se guzarti jaye hai
meri aashufta-sari wajh-e-shanasaai hui
mujh se milne roz koi hadisa aa jaye hai
yun to ek harf-e-tasalli bhi baDi shai hai magar
aisa lagta hai wafa be-abru ho jaye hai
zindagi ki talkhiyan deti hain khwabon ko janam
tishnagi sahra mein dariya ka saman dikhlaya hai
kis tarah dast-e-hunar mein bolne lagte hain rang
madarse walon ko Taban kaun samjha paye hai
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں