سواد غم میں کہیں گوشۂ اماں نہ ملا — غلام ربانی تاباں
شاعر
سواد غم میں کہیں گوشۂ اماں نہ ملا
سواد غم میں کہیں گوشۂ اماں نہ ملا
ہم ایسے کھوئے کہ پھر تیرا آستاں نہ ملا
غموں کی بزم کہ تنہائیوں کی محفل تھی
ہمیں وہ دشمن تمکیں کہاں کہاں نہ ملا
عجیب دور ستم ہے کہ دل کو مدت سے
نوید غم نہ ملی مژدۂ زیاں نہ ملا
کسے ہے یاد کہ سعی و طلب کی راہوں میں
کہاں ملا ہمیں تیرا نشاں کہاں نہ ملا
ادھر وفا کا گلا ہے کہ دل لہو نہ ہوا
ادھر ستم کو شکایت کہ قدرداں نہ ملا
لبوں کو نطق کا اعجاز تو ملا تاباںؔ
مگر سکوت کا پیرایۂ بیاں نہ ملا
غلام ربانی تاباں
Sawad-e-gham mein kahin goshaa-e-aman na mila
Sawad-e-gham mein kahin goshaa-e-aman na mila
Hum aise khoye ke phir tera aastaan na mila
Ghamon ki bazm ke tanhaiyon ki mehfil thi
Hamein woh dushman-e-tamkeen kahan kahan na mila
Ajeeb daur-e-sitam hai ke dil ko muddat se
Naveed-e-gham na mili muzhda-e-ziyan na mila
Kise hai yaad ke sa'i-o-talab ki rahon mein
Kahan mila hamein tera nishan kahan na mila
Idhar wafa ka gila hai ke dil lahu na hua
Idhar sitam ko shikayat ke qadardaan na mila
Labon ko nutq ka e'jaz to mila Tabaan
Magar sukoot ka pairaya-e-bayan na mila
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں