شباب حسن ہے برق و شرر کی منزل ہے — غلام ربانی تاباں
شاعر
شباب حسن ہے برق و شرر کی منزل ہے
شباب حسن ہے برق و شرر کی منزل ہے
یہ آزمائش قلب و نظر کی منزل ہے
سواد شمس و قمر بھی بشر کی منزل ہے
ابھی تو پرورش بال و پر کی منزل ہے
یہ مے کدہ ہے کلیسا و خانقاہ نہیں
عروج فکر و فروغ نظر کی منزل ہے
ہمیں تو راس ہی آئی فغاں کی بے اثری
مگر بتاؤ تو کوئی اثر کی منزل ہے
وہ رہبرئ جناب خضر کی منزل تھی
یہ رہنمائی فکر بشر کی منزل ہے
یہ راز پا نہ سکے صاحبان ہوش و خرد
جنوں بھی اک نگہ پردہ در کی منزل ہے
قیام شامل مشق خرام ہے تاباںؔ
سفر کا ترک بھی گویا سفر کی منزل ہے
غلام ربانی تاباں
shabab-e-husn hai barq-o-sharar ki manzil hai
shabab-e-husn hai barq-o-sharar ki manzil hai
ye azmaish-e-qalb-o-nazar ki manzil hai
sawad-e-shams-o-qamar bhi bashar ki manzil hai
abhi to parwarish-e-bal-o-par ki manzil hai
ye mai-kada hai kalisa-o-khanaqah nahin
urooj-e-fikr-o-farogh-e-nazar ki manzil hai
hamen to raas hi aayi fughan ki be-asari
magar batao to koi asar ki manzil hai
wo rahbari janab-e-khizr ki manzil thi
ye rahnumai fikr-e-bashar ki manzil hai
ye raaz pa na sake sahiban-e-hosh-o-khirad
junun bhi ek nigah-e-parda-dar ki manzil hai
qiyam shamil-e-mashq-e-kharam hai Taban
safar ka tark bhi goya safar ki manzil hai
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں