شوق کا تقاضہ ہے شرح آرزو کیجے — غلام ربانی تاباں
شاعر
شوق کا تقاضہ ہے شرح آرزو کیجے
شوق کا تقاضہ ہے شرح آرزو کیجے
دل سے عہد خاموشی کیسے گفتگو کیجے
دل ہو یا گریباں ہو روز چاک ہوتے ہیں
کیا جنوں کے موسم میں کوشش رفو کیجے
عاشقی و خودداری بندگی و خود بینی
آرزو کی راہوں میں خون آرزو کیجے
داد سعئ پیہم کی کچھ تو دیجئے یعنی
تازہ تر شکستوں سے دل کو سرخ رو کیجے
پائے شوق میں کب تک راستوں کی زنجیریں
صورت صبا چلیے سیر چار سو کیجے
ہے خلوص کا مسلک دشمن اثر آخر
جو نہ ہو مقدر میں اس کی جستجو کیجے
بزم جام و مینا میں داد تشنگی دیجے
موسم بہاراں میں حسرت نمو کیجے
کیا عجب کہ بر آئے دل کی آرزو تاباںؔ
سیر کوئے قاتل کی آپ بھی کبھو کیجے
غلام ربانی تاباں
Shauq ka taqaza hai sharh-e-arzoo kijiye
Shauq ka taqaza hai sharh-e-arzoo kijiye
Dil se ahd-e-khamoshi kaise guftagu kijiye
Dil ho ya girebaan ho roz chak hote hain
Kya junoon ke mausam mein koshish-e-rafoo kijiye
Aashiqui-o-khuddari bandagi-o-khudbeeni
Arzoo ki rahon mein khoon-e-arzoo kijiye
Dad-e-sa'i-e-paiham ki kuch to deejiye yaani
Taza-tar shikaston se dil ko surkh-ru kijiye
Pa-e-shauq mein kab tak raston ki zanjeerain
Soorat-e-saba chaliye sair-e-char soo kijiye
Hai khuloos ka maslak dushman-e-asar aakhir
Jo na ho muqaddar mein us ki justaju kijiye
Bazm-e-jam-o-meena mein dad-e-tishnagi deejiye
Mausam-e-baharan mein hasrat-e-numu kijiye
Kya ajab ke bar aaye dil ki arzoo Tabaan
Sair-e-kucha-e-qatil ki aap bhi kabhu kijiye
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں