وہ روشنی کہ بقید سحر نہیں اے دوست — غلام ربانی تاباں
شاعر
وہ روشنی کہ بقید سحر نہیں اے دوست
وہ روشنی کہ بقید سحر نہیں اے دوست
ترا جمال ہے میری نظر نہیں اے دوست
ترے بغیر وہ شام و سحر نہیں اے دوست
کوئی چراغ سر رہ گزر نہیں اے دوست
بہانا ڈھونڈھ لیا تجھ سے بات کرنے کا
کچھ اور مقصد عرض ہنر نہیں اے دوست
شب فراق یہ محویتوں کا عالم ہے
کسی کی ہائے کسی کو خبر نہیں اے دوست
مہ و نجوم بھی گرم سفر تو ہیں لیکن
کوئی بھی ان میں مرا ہم سفر نہیں اے دوست
کبھی ادھر سے جو گزرے تو سرسری گزرے
سواد طور تری رہ گزر نہیں اے دوست
غلام ربانی تاباں
wo roshni ke baqaid-e-sahar nahin ae dost
wo roshni ke baqaid-e-sahar nahin ae dost
tera jamal hai meri nazar nahin ae dost
tere baghair wo sham-o-sahar nahin ae dost
koi chiragh sar-e-rahguzar nahin ae dost
bahana DhunDh liya tujh se baat karne ka
kuchh aur maqsad arz-e-hunar nahin ae dost
shab-e-firaq ye mahwiyaton ka alam hai
kisi ki haye kisi ko khabar nahin ae dost
mah-o-nujum bhi garm-e-safar to hain lekin
koi bhi in mein mera hamsafar nahin ae dost
kabhi idhar se jo guzre to sarsari guzre
sawad-e-tur teri rahguzar nahin ae dost
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں