وہ نازک سا تبسم رہ گیا وہم حسیں بن کر — غلام ربانی تاباں
شاعر
وہ نازک سا تبسم رہ گیا وہم حسیں بن کر
وہ نازک سا تبسم رہ گیا وہم حسیں بن کر
نمایاں ہو گیا ذوق ستم چین جبیں بن کر
بہت اترا رہی ہے رات زلف عنبریں بن کر
بہت مغرور ہے نور سحر رنگ جبیں بن کر
مری جامہ دری نے راز یہ کھولا زمانے پر
خرد دھوکے دیا کرتی ہے جیب و آستیں بن کر
کرم میں بھی مگر اک غمزۂ خوں ریز شامل تھا
نگاہوں کی طرف اٹھی تو دل کی نکتہ چیں بن کر
مری دیوانگی تھی اک شرار آرزو دل میں
بڑھی تو دار پر روشن ہوئی شمع یقیں بن کر
پیام آتے رہے اکثر کسی محو تغافل کے
ادائے برملا بن کر نگاہ شرمگیں بن کر
وہ اک سجدہ نہ ہو پایا جو برباد حرم تاباںؔ
جبین شوق پر روشن ہے پندار جبیں بن کر
غلام ربانی تاباں
Woh nazuk sa tabassum reh gaya wahm-e-haseen ban kar
Woh nazuk sa tabassum reh gaya wahm-e-haseen ban kar
Numayan ho gaya zauq-e-sitam cheen-e-jabeen ban kar
Bahut itra rahi hai raat zulf-e-anbareen ban kar
Bahut maghroor hai noor-e-sahar rang-e-jabeen ban kar
Meri jama-dari ne raaz yeh khola zamane par
Khird dhoke diya karti hai jaib-o-aasteen ban kar
Karam mein bhi magar ek ghamza-e-khoon-rez shamil tha
Nigahon ki taraf uthi to dil ki nukta cheen ban kar
Meri deewangi thi ek sharar-e-arzoo dil mein
Badhi to daar par roshan hui shama-e-yaqeen ban kar
Payam aate rahe aksar kisi mehv-e-taghaful ke
Ada-e-bar-mila ban kar nigah-e-sharmgeen ban kar
Woh ek sajda na ho paya jo barbaad-e-haram Tabaan
Jabeen-e-shauq par roshan hai pindar-e-jabeen ban kar
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں