یہ ہجوم رسم و رہ دنیا کی پابندی بھی ہے — غلام ربانی تاباں
شاعر
یہ ہجوم رسم و رہ دنیا کی پابندی بھی ہے
یہ ہجوم رسم و رہ دنیا کی پابندی بھی ہے
غالباً کچھ شیخ کو زعم خرد مندی بھی ہے
بجلیوں سے سازشیں بھی کر رہا ہے باغباں
ہم چمن والوں کو حکم آشیاں بندی بھی ہے
حضرت دل کو خدا رکھے وہی ہیں شورشیں
درد محرومی بھی سوز آرزو مندی بھی ہے
مے کدے کی اصطلاحوں میں بہت کچھ کہہ گئے
ورنہ اس محفل میں دستور زباں بندی بھی ہے
اس کے جلووں کی فسوں سازی مسلم ہے مگر
کچھ نگاہ شوق کی اس میں ہنر مندی بھی ہے
اس نے تاباںؔ کر دیا آزاد یہ کہہ کر کہ جا
تیری آزادی میں اک شان نظر بندی بھی ہے
غلام ربانی تاباں
Yeh hujoom-e-rasm-o-rah-e-duniya ki pabandi bhi hai
Yeh hujoom-e-rasm-o-rah-e-duniya ki pabandi bhi hai
Ghaliban kuch shaikh ko za'am-e-khirdmandi bhi hai
Bijliyon se saazishain bhi kar raha hai baghban
Hum chaman walon ko hukm-e-aashiyan bandi bhi hai
Hazrat-e-dil ko khuda rakhe wahi hain shorishain
Dard-e-mehroomi bhi soz-e-arzoomandi bhi hai
Maikade ki istilahaon mein bahut kuch keh gaye
Warna is mehfil mein dastoor-e-zaban bandi bhi hai
Us ke jalwon ki fasoon saazi musallam hai magar
Kuch nigah-e-shauq ki us mein hunarmandi bhi hai
Us ne Tabaan kar diya azaad yeh keh kar ke ja
Teri azaadi mein ek shaan-e-nazarbandi bhi hai
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں