زندگی دل پہ عجب سحر سا کرتی جائے — غلام ربانی تاباں
شاعر
زندگی دل پہ عجب سحر سا کرتی جائے
زندگی دل پہ عجب سحر سا کرتی جائے
اک جگہ ٹھہری لگے اور گزرتی جائے
آنسوؤں سے کوئی آواز کو نسبت نہ سہی
بھیگتی جائے تو کچھ اور نکھرتی جائے
دیکھتے دیکھتے دھندلا گئے منظر سارے
تیری زلفوں کی طرح شام بکھرتی جائے
بات کا راز کھلے بات کا انداز کھلے
تیرے ہونٹوں سے چلے دل میں اترتی جائے
رفتہ رفتہ کسی گم نام لہو کی تحریر
قاتل شہر کے دامن پہ ابھرتی جائے
ہو کے برباد چلے صحن چمن سے نکہت
دشت و صحرا کی مگر جھولیاں بھرتی جائے
میں نے کب دعویٰ الہام کیا ہے تاباںؔ
لکھ دیا کرتا ہوں جو دل پہ گزرتی جائے
غلام ربانی تاباں
Zindagi dil pe ajab sehar sa karti jaye
Zindagi dil pe ajab sehar sa karti jaye
Ek jagah thehri lage aur guzarti jaye
Aansuon se koi awaaz ko nisbat na sahi
Bheegti jaye to kuchh aur nikharti jaye
Dekhte dekhte dhundla gaye manzar saare
Teri zulfon ki tarah shaam bikharti jaye
Baat ka raaz khule baat ka andaaz khule
Tere honton se chale dil mein utarti jaye
Rafta rafta kisi gum naam lahoo ki tehreer
Qatil shehar ke daaman pe ubharti jaye
Ho ke barbaad chale sehn-e-chaman se nikhat
Dasht-o-sehra ki magar jholiyan bharti jaye
Main ne kab da'wa-e-ilhaam kiya hai Taaban
Likh diya karta hun jo dil pe guzarti jaye
شاعر کے بارے میں
غلام ربانی تاباںؔ اردو ادب کے ممتاز ترقی پسند شعرا میں شمار ہوتے ہیں جنہوں نے اپنی شاعری، تراجم اور ادبی خدمات کے ذریعے اردو زبان و ادب کو نئی فکری...
مکمل تعارف پڑھیں