اپنے دل کا حال نہ کہنا کیسا لگتا ہے — خالد احمد
شاعر
اپنے دل کا حال نہ کہنا کیسا لگتا ہے
اپنے دل کا حال نہ کہنا کیسا لگتا ہے
تم کو اپنا چپ چپ رہنا کیسا لگتا ہے
دکھ کی بوندیں کیا تم کو بھی کھاتی رہتی ہیں
آہستہ آہستہ ڈھہنا کیسا لگتا ہے
درد بھری راتیں جس دم ہلکورے دیتی ہیں
دریاؤں کے رخ پر بہنا کیسا لگتا ہے
میں تو اپنی دھن میں چکرایا سا پھرتا ہوں
تم کو اپنی موج میں رہنا کیسا لگتا ہے
کیا تم بھی ساحل کی صورت کٹتے رہتے ہو
پل پل غم کی لہریں سہنا کیسا لگتا ہے
کیا شامیں تم کو بھی شب بھر بے کل رکھتی ہیں
تم سورج ہو تم کو لہنا کیسا لگتا ہے
کیا تم بھی گلیوں میں گھر کی وسعت پاتے ہو
تم کو گھر سے باہر رہنا کیسا لگتا ہے
کم آہنگ سروں میں تم کیا گاتے رہتے ہو
کچھ بھی نہ سننا کچھ بھی نہ کہنا کیسا لگتا ہے
درد تو سانسوں میں بستے ہیں کون دکھائے تمہیں
پھولوں پر خوشبو کا گہنہ کیسا لگتا ہے
خالد احمد
Apne dil ka haal na kehna kaisa lagta hai
Apne dil ka haal na kehna kaisa lagta hai
Tum ko apna chup chup rehna kaisa lagta hai
Dukh ki boondein kya tum ko bhi khaati rehti hain
Aahista aahista dehna kaisa lagta hai
Dard bhari raatein jis dam halkore deti hain
Daryaon ke rukh par behna kaisa lagta hai
Main to apni dhun mein chakraya sa phirta hun
Tum ko apni mauj mein rehna kaisa lagta hai
Kya tum bhi saahil ki surat kat'te rehte ho
Pal pal gham ki lehrein sehna kaisa lagta hai
Kya shaamein tum ko bhi shab bhar be-kal rakhti hain
Tum sooraj ho tum ko lehna kaisa lagta hai
Kya tum bhi galiyon mein ghar ki wusat paate ho
Tum ko ghar se baahar rehna kaisa lagta hai
Kam-aahang suron mein tum kya gaate rehte ho
Kuchh bhi na sunna kuchh bhi na kehna kaisa lagta hai
Dard to saanson mein baste hain kaun dikhaye tumhein
Phoolon par khushboo ka gehna kaisa lagta hai
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں