رگ رگ ایک تصور ایک امنگ بھرے — خالد احمد
شاعر
رگ رگ ایک تصور ایک امنگ بھرے
رگ رگ ایک تصور ایک امنگ بھرے
اک خوشبو پھولوں میں کیا کیا رنگ بھرے
فن کی اپنی موج دکھوں کی اپنی رو
اک ترکش میں کوئی کتنے خدنگ بھرے
کون لکیروں کو تصویروں میں ڈھالے
کس کا لہو یہ خاکے یہ نیرنگ بھرے
رنگ لباس کو رنگ بدن سے آب ملے
گنگ حروف میں نغموں کا آہنگ بھرے
کس کی آنکھیں تہمت لمس اٹھائیں گی
بجلی کے تن میں ہیں کس کے رنگ بھرے
پولے پولے پاؤں دھرے پروائی بھی
خاک میں اڑتے رنگ یہ کس کے سنگ بھرے
کاہش کا دریا بھی خواہش کا گھر تھا
پانی بھرنے آئے اور نہنگ بھرے
خالد احمد
Rag rag ek tasawwur ek umang bhare
Rag rag ek tasawwur ek umang bhare
Ik khushboo phoolon mein kya kya rang bhare
Fan ki apni mauj dukhon ki apni rau
Ik tarkash mein koi kitne khudang bhare
Kaun lakeeron ko tasveeron mein dhale
Kis ka lahoo ye khake ye nairang bhare
Rang libas ko rang badan se aab mile
Gung huroof mein naghmon ka aahang bhare
Kis ki aankhen tohmat-e-lams uthayengi
Bijli ke tan mein hain kis ke rang bhare
Paule paule paon dhare parwai bhi
Khaak mein udte rang ye kis ke sang bhare
Kaahish ka darya bhi khwahish ka ghar tha
Paani bharne aaye aur nahang bhare
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں