زندگی بھر یہ بوجھ ڈھونا ہے — خالد احمد
شاعر
زندگی بھر یہ بوجھ ڈھونا ہے
زندگی بھر یہ بوجھ ڈھونا ہے
آگہی عمر بھر کا رونا ہے
شام غم بوند بوند پگھلے گی
لمحہ لمحہ حنائی ہونا ہے
مفلسی بچ رہی خساروں سے
کچھ نہ پانا ہی کچھ نہ کھونا ہے
روح تک جذب کر لیا ان کو
اب انہیں حرف میں سمونا ہے
عکس در عکس کب وہ مہکیں گے
آئنہ کب گلاب ہونا ہے
رات ان کے بدن کی چاندی تھی
صبح ان کے بدن کا سونا ہے
کنج لب کنج چشم حجلۂ زلف
دجلۂ صبح کونا کونا ہے
اک مسیحا نے گھر بلایا ہے
آج پانی شراب ہونا ہے
عرش پر چاند ہے ستارے ہیں
فرش پر کانچ کا کھلونا ہے
سایۂ دار سایۂ دیوار
عشق کا اوڑھنا بچھونا ہے
کاش کوئی ہمیں یہ بتلا دے
کس کے سینے سے لگ کے رونا ہے
کس کے سینے پہ داغ کتنے ہیں
اک نہ اک دن حساب ہونا ہے
جان جاں آئنے کدھر جائیں
آمنا سامنا تو ہونا ہے
اے دل اہل جمال کیا جانیں
اب ہمیں تجھ سے ہاتھ دھونا ہے
خواب و خواہش کے درمیاں خالدؔ
ماتم آرزو بھی ہونا ہے
علم عرفان آگہی خالدؔ
خاک کے ساتھ خاک ہونا ہے
خالد احمد
Zindagi bhar ye bojh dhona hai
Zindagi bhar ye bojh dhona hai
Aagahi umar bhar ka rona hai
Sham-e-gham boond boond pighlegi
Lamha lamha hinai hona hai
Muflisi bach rahi khasaron se
Kuchh na pana hi kuchh na khona hai
Rooh tak jazb kar liya in ko
Ab unhein harf mein samona hai
Aks dar aks kab woh mahkenge
Aaina kab gulab hona hai
Raat un ke badan ki chandi thi
Subh un ke badan ka sona hai
Kunj-e-lab kunj-e-chashm hujla-e-zulf
Dijla-e-subh kona kona hai
Ik maseeha ne ghar bulaya hai
Aaj paani sharab hona hai
Arsh par chand hai sitare hain
Farsh par kaanch ka khilauna hai
Saya-e-dar saya-e-deewar
Ishq ka odhna bichhauna hai
Kash koi humein ye batla de
Kis ke seene se lag ke rona hai
Kis ke seene pe dagh kitne hain
Ik na ik din hisab hona hai
Jaan-e-jaan aaine kidhar jaen
Amna samna to hona hai
Ae dil ehl-e-jamal kya jaanein
Ab humein tujh se haath dhona hai
Khwab-o-khwahish ke darmiyan Khalid!
Matam-e-arzoo bhi hona hai
Ilm-e-irfan aagahi Khalid!
Khaak ke saath khaak hona hai
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں