اک گام سر راہ سپاس آئی نہ دنیا — خالد احمد
شاعر
اک گام سر راہ سپاس آئی نہ دنیا
اک گام سر راہ سپاس آئی نہ دنیا
دریوزۂ عقبیٰ تھا سو راس آئی نہ دنیا
محروم رہی صحبت مردان رضا سے
کس حسن کی دہشت تھی کہ پاس آئی نہ دنیا
ناچی ہے برہنہ سر بازار ہمیشہ
اک بار تہ تار لباس آئی نہ دنیا
اے راندۂ دنیا تجھے کیا غم کہ مجھ ایسے
پروردۂ دنیا کو بھی راس آئی نہ دنیا
خالدؔ افق خاک رہا رنگ میں غلطاں
مجھ تک کبھی لے کر تری باس آئی نہ دنیا
خالد احمد
Ik gaam sar-e-raah sipas aayi na duniya
Ik gaam sar-e-raah sipas aayi na duniya
Daryoza uqba tha so raas aayi na duniya
Mahroom rahi sohbat-e-mardan-e-raza se
Kis husn ki dehshat thi ke paas aayi na duniya
Naachi hai barahna sar-e-bazar hamesha
Ik baar teh-e-tar-e-libas aayi na duniya
Ae randah-e-duniya tujhe kya gham ke mujh aise
Parwarda-e-duniya ko bhi raas aayi na duniya
Khalid! ufuq khaak raha rang mein ghaltan
Mujh tak kabhi le kar teri baas aayi na duniya
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں