بات سے بات نکلنے کے وسیلے نہ رہے — خالد احمد
شاعر
بات سے بات نکلنے کے وسیلے نہ رہے
بات سے بات نکلنے کے وسیلے نہ رہے
لب رسیلے نہ رہے نین نشیلے نہ رہے
اشک برسے تو دروں خانۂ جاں سیل گیا
درد چمکا تو در و بام بھی گیلے نہ رہے
پھول سے باس جدا فکر سے احساس جدا
فرد سے ٹوٹ گئے فرد قبیلے نہ رہے
ٹیس اٹھتی ہے مگر چیخ نہیں ہو پاتی
تیرے پھینکے ہوئے پتھر بھی نکیلے نہ رہے
موت نے چھین لیا رنگ بھی نم بھی خالدؔ
آنکھ بھی سوکھ گئی ہونٹ بھی نیلے نہ رہے
خالد احمد
Baat se baat nikalne ke waseele na rahe
Baat se baat nikalne ke waseele na rahe
Lab raseele na rahe nain nasheele na rahe
Ashk barse to daroon-e-khaana-e-jaan sail gaya
Dard chamka to dar-o-baam bhi geele na rahe
Phool se baas juda fikr se ehsaas juda
Fard se toot gaye fard qabeele na rahe
Tees uṭhti hai magar cheekh nahin ho paati
Tere phenke hue patthar bhi nakeele na rahe
Maut ne chheen liya rang bhi nam bhi Khalid!
Aankh bhi sookh gayi honth bhi neele na rahe
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں