بے وفا ہوں نہ وفادار ہوں میں — خالد احمد
شاعر
بے وفا ہوں نہ وفادار ہوں میں
بے وفا ہوں نہ وفادار ہوں میں
سچ تو یہ ہے کہ اداکار ہوں میں
سی دیئے اس نے مرے ہونٹ تو کیا
اب مجسم لب اظہار ہوں میں
میرے ہاتھوں میں گڑے ہیں کانٹے
پھول ہوں اور سر دار ہوں میں
ہر کرن ڈوب چلی صورت نبض
کن اندھیروں میں ضیا بار ہوں میں
ذہن ہے سر پہ لٹکتی تلوار
کن عقائد میں گرفتار ہوں میں
اس لیے مجھ سے خفا ہے کوئی
اس کا ہوتے ہوئے خوددار ہوں میں
خالد احمد
Be-wafa hun na wafa-daar hun main
Be-wafa hun na wafa-daar hun main
Sach to ye hai ki adaakaar hun main
Si diye us ne mere honth to kya
Ab mujassam lab-e-izhaar hun main
Mere haathon mein gaṛe hain kaanțe
Phool hun aur sar-e-daar hun main
Har kiran doob chali surat-e-nabz
Kin andheron mein ziya-baar hun main
Zehan hai sar pe laṭakti talwar
Kin aqaaid mein giraftaar hun main
Is liye mujh se khafa hai koi
Us ka hote hue khud-daar hun main
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں