دم سادھ کے دیکھوں تجھے جھپکوں نہ پلک بھی — خالد احمد
شاعر
دم سادھ کے دیکھوں تجھے جھپکوں نہ پلک بھی
دم سادھ کے دیکھوں تجھے جھپکوں نہ پلک بھی
آنکھوں میں سمو لوں ترے لہجے کی دمک بھی
اے عشق اگر مجھ کو ترا اذن ہو ممکن
آغوش میں لے لوں ترے پیکر کی مہک بھی
اے ذکر مرے فکر کی تقدیر بدل دے
اے نور مرے نطق کے کاسے میں جھلک بھی
اے قطرۂ خوں مصحف رخسار پہ تل بن
اے سطر تپاں کاغذ سادہ پہ دہک بھی
دل عرض ہنر ہے تو بدن ارض ہنر ہے
اے میرے دل سادہ مرے تن میں دھڑک بھی
یہ رنگ مرے نور میں رکھے ہیں اسی نے
گندھوائی تھی جس نے مری مٹی کی مہک بھی
اس شہر کی جانب مرے پاؤں نہیں اٹھتے
اس دل سے وہی دور کرے گا یہ جھجک بھی
کیا میں نے کیا ہے کہ سزا وار ردا ہوں
مجھ کو تو بہت ہے تری کملی کی جھلک بھی
خالد احمد
Dam saad ke dekhoon tujhe jhapkau'n na palk bhi
Dam saad ke dekhoon tujhe jhapkau'n na palk bhi
Aankhon mein samoloo'n tere lehje ki dhamak bhi
Ae ishq agar mujh ko tera izn ho mumkin
Aaghosh mein le loo'n tere paikar ki mahak bhi
Ae zikr mere fikr ki taqdeer badal de
Ae noor mere nutq ke kaase mein jhalak bhi
Ae qatra-e-khoon mushaf-e-rukhsaar pe til ban
Ae satr-e-tapayyan kaghaz-e-saada pe dahak bhi
Dil arz hunar hai to badan arz hunar hai
Ae mere dil-e-saada mere tan mein dhadak bhi
Yeh rang mere noor mein rakhe hain isi ne
Gandhwai thi jis ne meri mitti ki mahak bhi
Is shahr ki jaanib mere paoo'n nahin uthhte
Is dil se wohi door karega yeh jhajhak bhi
Kya main ne kiya hai ke sazawwar rida ho'n
Mujh ko to bohat hai teri kamli ki jhalak bhi
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں