دل بھر آئے تو سمندر نہیں دیکھے جاتے — خالد احمد
شاعر
دل بھر آئے تو سمندر نہیں دیکھے جاتے
دل بھر آئے تو سمندر نہیں دیکھے جاتے
عکس پانی میں اتر کر نہیں دیکھے جاتے
دیکھ اے سست روی ہم سے کنارا کر لے
ہر قدم راہ کے پتھر نہیں دیکھے جاتے
وہ چہک ہو کہ مہک ایک ہی رخ اڑتی ہے
بر سر دوش ہوا پر نہیں دیکھے جاتے
دیکھ اے سادہ دل و سادہ رخ و سادہ جمال
ہر جگہ یہ زر و زیور نہیں دیکھے جاتے
اپنے ہاتھوں میں لکیروں کے سوا کچھ بھی نہیں
درد مندوں کے مقدر نہیں دیکھے جاتے
سر گرفتوں کے لیے گھر بھی قفس ہیں خالدؔ
ہمت اے خیرہ سرو سر نہیں دیکھے جاتے
خالد احمد
Dil bhar aaye to samundar nahin dekhe jaate
Dil bhar aaye to samundar nahin dekhe jaate
Aks paani mein utar kar nahin dekhe jaate
Dekh ae sust-rawi hum se kinara kar le
Har qadam raah ke patthar nahin dekhe jaate
Woh chahak ho ke mahak ek hi rukh udti hai
Bar sar-e-dosh hawa par nahin dekhe jaate
Dekh ae saada dil o saada rukh o saada jamal
Har jagah yeh zar o zewar nahin dekhe jaate
Apne haathon mein lakeeron ke siwa kuch bhi nahin
Dard mando'n ke muqaddar nahin dekhe jaate
Sar girafto'n ke liye ghar bhi qafas hain 'Khalid'
Himmat ae khira saron sar nahin dekhe jaate
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں