غم فراہم ہیں مگر ان کی فراوانی نہیں — خالد احمد
شاعر
غم فراہم ہیں مگر ان کی فراوانی نہیں
غم فراہم ہیں مگر ان کی فراوانی نہیں
اے گراں جانی یہاں کوئی بھی آسانی نہیں
چار سو اک برف بستہ عہد نم کا راج ہے
دھوپ میں حدت نہیں دریاؤں میں پانی نہیں
یاد ہے کیا کام ہے اس شہر کا کیا نام ہے
سب کچھ اس جیسا ہے لیکن آسماں دھانی نہیں
زندگی کے دکھ ازل سے زندگی کے ساتھ ہیں
لوگ فانی ہیں مگر لوگوں کے دکھ فانی نہیں
زندگی بھر صرف اسے پوجا مگر گھر بیٹھ کر
پاسداران وفا کا کام دربانی نہیں
اک شجر کے کوئی دو پتے بھی اک جیسے نہ تھے
میری دنیا میں کسی شے کا کوئی ثانی نہیں
خالد احمد
Gham faraham hain magar in ki farawani nahin
Gham faraham hain magar in ki farawani nahin
Ae giraa'n jaani yahaa'n koi bhi asaani nahin
Char soo ek barf basta ahad-e-num ka raaj hai
Dhoop mein hiddat nahin daryaon mein paani nahin
Yaad hai kya kaam hai is shahr ka kya naam hai
Sab kuch is jaisa hai lekin aasmaa'n dhaani nahin
Zindagi ke dukh azal se zindagi ke saath hain
Log faani hain magar logo'n ke dukh faani nahin
Zindagi bhar sirf use pooja magar ghar baithh kar
Paasdaaraan-e-wafa ka kaam darbaani nahin
Ik shajar ke koi do patte bhi ek jaise na thhe
Meri duniya mein kisi shai ka koi saani nahin
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں