خاک پر خاک کی ڈھیریاں رہ گئیں — خالد احمد
شاعر
خاک پر خاک کی ڈھیریاں رہ گئیں
خاک پر خاک کی ڈھیریاں رہ گئیں
آدمی اٹھ گئے نیکیاں رہ گئیں
کس کی تعلیم کا آخری سال تھا
چوڑیاں بک گئیں بالیاں رہ گئیں
عشق اک روپ تھا حسن کی دھوپ کا
یاد کیوں دھوپ کی سختیاں رہ گئیں
خون میں گھل گئیں سانولی قربتیں
تن میں تپتی ہوئی ہڈیاں رہ گئیں
درد انگور کی بیل تھے پھل گئے
غم کشوں کے لیے تلخیاں رہ گئیں
عرصۂ فسق میں قسمت عشق میں
حکمت آمیز پسپائیاں رہ گئیں
قمقموں کی طرح قہقہے جل بجھے
میز پر چائے کی پیالیاں رہ گئیں
اس بلندی پہ ہم نے پڑاؤ کیا
جس کے آگے فقط پستیاں رہ گئیں
حسن کے ہاتھ سے آئینہ گر پڑا
فرش پندار پر کرچیاں رہ گئیں
ہم نے کاغذ کو بھی آئنہ کر دیا
لیکن اپنی سیہ بختیاں رہ گئیں
خالد احمد
Khaak par khaak ki dheriyaan reh gayeen
Khaak par khaak ki dheriyaan reh gayeen
Aadmi uṭh gaye nekiyaan reh gayeen
Kis ki taaleem ka aakhiri saal tha
Choorhiyaan bik gayeen baaliyaan reh gayeen
Ishq ik roop tha husn ki dhoop ka
Yaad kyun dhoop ki sakhtiyaan reh gayeen
Khoon mein ghul gayeen saanwli qurbatein
Tan mein tapti hui haddiyaan reh gayeen
Dard angoor ki bel the phal gaye
Gham kashon ke liye talkhiyaan reh gayeen
Arsa-e-fisq mein qismat-e-ishq mein
Hikmat aamez paspaaiyaan reh gayeen
Qumqumon ki tarah qahqahe jal bujhe
Mez par chaay ki piyaaliyaan reh gayeen
Is bulandi pe hum ne paṛao kiya
Jis ke aage faqat pastiyaan reh gayeen
Husn ke haath se aaina gir paṛa
Farsh-e-pindaar par kurchiyaan reh gayeen
Hum ne kaaghaz ko bhi aaina kar diya
Lekin apni siyah-bakhtiyaan reh gayeen
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں