خوف زدہ تھے کون سے لوگ ان شیر دلیروں سے — خالد احمد
شاعر
خوف زدہ تھے کون سے لوگ ان شیر دلیروں سے
خوف زدہ تھے کون سے لوگ ان شیر دلیروں سے
کوئی تو اتنا پوچھے ان مٹی کے ڈھیروں سے
دن کے دیس سے اڑ آتے ہیں میری آنکھوں میں
ساتھ نبھانا بھول گئے تھے رنگ اندھیروں سے
تیر چلانے والے گھر کیا لوٹ بھی پائیں گے؟
کیا یہ پنچھی دم دے دیں گے دور بسیروں سے
شام کا تارا، صبح کا پہلا تارا ٹھہرے گا
حجلۂ وصل میں رات رہے گی، بات سویروں سے
کوئی اپنے گھر کا رستہ بھول سکا ہے کبھی؟
کیا جانے کیوں اڑ اڑ جائیں کاگ منڈیروں سے
خاک اڑے تو میرے ہاتھوں میری خاک اڑے
مجھ کو ڈر لگتا ہے، سانپوں اور سپیروں سے
مجھ کو جاننے والے خالدؔ جان نہ پائیں گے
اس چکر میں نکلا ہوں میں، کتنے پھیروں سے
خالد احمد
Khauf zada the kaun se log in sher dileeron se
Khauf zada the kaun se log in sher dileeron se
Koi to itna poochhe in miṭṭi ke dheron se
Din ke des se uṛ aate hain meri aankhon mein
Saath nibhana bhool gaye the rang andheron se
Teer chalaane waale ghar kya loṭ bhi paayenge?
Kya yeh panchhi dam de dein ge duur baseron se
Shaam ka taara, subah ka pehla taara thehre ga
Hujla-e-wasl mein raat rahe gi, baat saweron se
Koi apne ghar ka rasta bhool saka hai kabhi?
Kya jaane kyun uṛ uṛ jaayen kaag munḍeron se
Khaak uṛe to mere haathon meri khaak uṛe
Mujh ko ḍar lagta hai, saanpon aur sapereon se
Mujh ko jaan'ne waale Khalid! jaan na paayenge
Is chakkar mein nikla hun main, kitne pheron se
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں