کھلا مجھ پر در امکان رکھنا — خالد احمد
شاعر
کھلا مجھ پر در امکان رکھنا
کھلا مجھ پر در امکان رکھنا
مرے مولا مجھے حیران رکھنا
یہی اک مرحلہ منزل نہ ٹھہرے
یہی اک مرحلہ آسان رکھنا
مرے دل کا ورق نکلے نہ سادہ
کوئی خواہش کوئی ارمان رکھنا
یہ دل طاق چراغ زر نہ ٹھہرے
مرے مالک مجھے نادان رکھنا
مرے حالات مجھ کو چھو نہ پائیں
مجھے ہر حال میں انسان رکھنا
بھری رکھنا مرے مولا یہ آنکھیں
دکھوں کی بارشوں کا مان رکھنا
مرے ساتھی بھی مجھ سے بے نوا ہیں
بساطیں دیکھ کر تاوان رکھنا
یہ دن کیوں کر چڑھا وہ شب ڈھلی کیوں
مجھے آیا نہ اتنا دھیان رکھنا
مجھے بھی عام یا گمنام کر دے
کہ اک آزار ہے پہچان رکھنا
اسیر عمر کو آیا نہ اب تک
کتاب ہجر کا عنوان رکھنا
ہوا کی طرح صحرا سے گزر جا
سفر میں کیا سر و سامان رکھنا
خالد احمد
Khula mujh par dar-e-imkaan rakhna
Khula mujh par dar-e-imkaan rakhna
Mere Maula mujhe hairaan rakhna
Yehi ik marhala manzil na thehre
Yehi ik marhala aasaan rakhna
Mere dil ka waraq nikle na saada
Koi khwahish koi armaan rakhna
Yeh dil taaq-e-chiragh-e-zar na thehre
Mere Maalik mujhe naadaan rakhna
Mere haalaat mujh ko chhu na paayein
Mujhe har haal mein insaan rakhna
Bhari rakhna mere Maula yeh aankhein
Dukhon ki baarishon ka maan rakhna
Mere saathi bhi mujh se be-nawa hain
Bisaatein dekh kar taawaan rakhna
Yeh din kyun kar chaṛha woh shab dhali kyun
Mujhe aaya na itna dhyaan rakhna
Mujhe bhi aam ya gumnaam kar de
Ke ik aazaar hai pehchaan rakhna
Aseer-e-umr ko aaya na ab tak
Kitaab-e-hijr ka unwaan rakhna
Hawa ki tarah sahra se guzar ja
Safar mein kya sar-o-saamaan rakhna
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں