لب سیے دیکھا کروں سوچا کروں — خالد احمد
شاعر
لب سیے دیکھا کروں سوچا کروں
لب سیے دیکھا کروں سوچا کروں
میرے بس میں کچھ نہیں میں کیا کروں
راہ میں ہے درد کا کوہ گراں
کوہ کن بھی میں نہیں میں کیا کروں
شہر کے شور و شغب سے بھاگ کر
کوئی کنج عافیت ڈھونڈا کروں
گنجلک مگھم صداؤں کی طرح
گنبد تنہائی میں گونجا کروں
اور ان مبہم صداؤں کا اگر
کوئی مطلب ہو تو وہ لکھا کروں
اور جب اپنی سمجھ میں کچھ نہ آئے
چیخ اٹھوں کیا کروں میں کیا کروں
شہر کی ویرانیوں پر نوحہ گر
روح بن کر رات بھر بھٹکا کروں
خالد احمد
Lab siye dekha karoon socha karoon
Lab siye dekha karoon socha karoon
Mere bas mein kuchh nahin main kya karoon
Raah mein hai dard ka koh-e-giraan
Koh-kan bhi main nahin main kya karoon
Shehr ke shor-o-shaghab se bhaag kar
Koi kunj-e-aafiyat dhoonda karoon
Gunjlak mubham sadaaon ki tarah
Gunbad-e-tanhayi mein goonja karoon
Aur in mubham sadaaon ka agar
Koi matlab ho to woh likha karoon
Aur jab apni samajh mein kuchh na aaye
Cheekh uṭhoon kya karoon main kya karoon
Shehr ki veeraniyon par nauha-gar
Rooh ban kar raat bhar bhaṭka karoon
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں