رنگ کہتے ہیں کہانی میری — خالد احمد
شاعر
رنگ کہتے ہیں کہانی میری
رنگ کہتے ہیں کہانی میری
کس کی خوشبو تھی جوانی میری
کوئی پائے تو مجھے کیا پائے
کھوئے رہنا ہے نشانی میری
کوہ سے دشت میں لے آئی ہے
دشمن جاں ہے روانی میری
کھل رہی ہے پس دیوار زماں
خواہش نقل مکانی میری
سر مرقد ہیں سبھی سایہ کشا
کوئی حسرت نہیں فانی میری
تپش رنگ جھلس ڈالے گی
کیا کرے سوختہ جانی میری
نقش تھا میں بھی گلی تختی کا
اڑ گئی خاک معانی میری
کیا سخن فہم نظر تھی جس نے
بات کوئی بھی نہ مانی میری
ناقدوں نے مجھے پرکھا خالدؔ
خاک صحراؤں نے چھانی میری
خالد احمد
Rang kehte hain kahani meri
Rang kehte hain kahani meri
Kis ki khushboo thi jawani meri
Koi paaye to mujhe kya paaye
Khoye rehna hai nishani meri
Koh se dasht mein le aayi hai
Dushman-e-jaan hai rawani meri
Khul rahi hai pas-e-diwaar-e-zamaan
Khwahish-e-naql-e-makani meri
Sar-e-marqad hain sabhi saya kusha
Koi hasrat nahin faani meri
Tazwesh-e-rang jhulas daalegi
Kya karey sokhta jaani meri
Naqsh tha main bhi gali takhti ka
Ud gayi khaak-e-maani meri
Kya sukhan fehm nazar thi jis ne
Baat koi bhi na maani meri
Naqidon ne mujhe parkha 'Khalid'
Khaak sahraao'n ne chhani meri
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں