رنگ سا پھرتا ہے زیر آسماں دیکھا ہوا — خالد احمد
شاعر
رنگ سا پھرتا ہے زیر آسماں دیکھا ہوا
رنگ سا پھرتا ہے زیر آسماں دیکھا ہوا
روبرو اک عکس ہے جانے کہاں دیکھا ہوا
کس کے ہونے کی خبر دیتے ہیں یہ دیوار و در
جانے کیوں لگتا ہے مجھ کو یہ مکاں دیکھا ہوا
اک گھروندا ہولے ہولے گھل رہا ہے آج بھی
ایک منظر ہے تہہ آب رواں دیکھا ہوا
میں تو پہلی بار آیا تھا تمہارے شہر میں
ناگہاں مجھ کو لگا شہر گماں دیکھا ہوا
اک مہک بن کر نظر اٹھتی ہے میری چار سو
میں تو پہروں دیکھتا ہوں یہ جہاں دیکھا ہوا
ہر گھڑی پایا نیا دھڑکا پرانے رنگ کا
آگ ان دیکھی لگی اٹھا دھواں دیکھا ہوا
دن نکلتے ہی گھروں سے چل پڑے تیشہ بکف
سورج ابھرا ہے کہ اک کوہ گراں دیکھا ہوا
ماند رہ جائے گی اس شب آنسوؤں کی آب بھی
چاند پھر نکلا پس دیوار جاں دیکھا ہوا
آسماں تھا یا شکستہ چھت اندھیری قبر کی
رات بھر دیکھا کیا میں آسماں دیکھا ہوا
ساتھ چلتا ہے کنارے پر کناروں کی طرح
کیا کہوں خالدؔ کہ ہے یہ مہرباں دیکھا ہوا
خالد احمد
Rang sa phirta hai zer-e-aasman dekha hua
Rang sa phirta hai zer-e-aasman dekha hua
Rubaroo ik akks hai jaane kahan dekha hua
Kis ke hone ki khabar dete hain ye deewar-o-dar
Jaane kyun lagta hai mujh ko ye makan dekha hua
Ik gharaunda haule haule ghul raha hai aaj bhi
Ek manzar hai teh-e-aab-e-ravaan dekha hua
Main to pehli baar aaya tha tumhare shahr mein
Nagahan mujh ko laga shahr-e-guman dekha hua
Ik mehak ban kar nazar uthti hai meri chaar soo
Main to paharon dekhta hoon ye jahan dekha hua
Har ghadi paaya naya dhadka purane rang ka
Aag an-dekhi lagi utha dhuan dekha hua
Din nikalte hi gharon se chal pade tesha ba-kaf
Suraj ubhra hai ke ik koh-e-giraan dekha hua
Maand rah jaegi is shab aansuon ki aab bhi
Chand phir nikla pas-e-deewar-e-jaan dekha hua
Aasman tha ya shikasta chhat andheri qabr ki
Raat bhar dekha kya main aasman dekha hua
Saath chalta hai kinare par kinaron ki tarah
Kya kahoon Khalid! ke hai ye mehrban dekha hua
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں