صحرا میں دیوار بنانا جانے کیسا ہو — خالد احمد
شاعر
صحرا میں دیوار بنانا جانے کیسا ہو
صحرا میں دیوار بنانا جانے کیسا ہو
اور پھر اس سے سر ٹکرانا جانے کیسا ہو
یہ رستے جو ہم نے پگ پگ آپ بکھیرے ہیں
ان رستوں سے لوٹ کے جانا جانے کیسا ہو
جس کی پوریں دل کی اک اک دھڑکن گنتی ہیں
جس کو ہم نے خود گردانا جانے کیسا ہو
اس کے سامنے ہم کیا جانیں دل پر کیا گزرے
نام تک اپنا یاد نہ آنا جانے کیسا ہو
اس کی نگاہ میں آنا کوئی چھوٹی بات نہیں
اس کے دل میں راہ بھی پانا جانے کیسا ہو
ہم کیا جانیں پار لگیں یا آر رہیں خالدؔ
رہ گم کردہ مر کھپ جانا جانے کیسا ہو
خالد احمد
Sahra mein deewar banana jaane kaisa ho
Sahra mein deewar banana jaane kaisa ho
Aur phir is se sar takrana jaane kaisa ho
Yeh raste jo hum ne pag pag aap bikhere hain
In raston se laut ke jaana jaane kaisa ho
Jis ki poorein dil ki ik ik dhadkan ginti hain
Jis ko hum ne khud gardana jaane kaisa ho
Us ke saamne hum kya jaanein dil par kya guzre
Naam tak apna yaad na aana jaane kaisa ho
Us ki nigah mein aana koi chhooti baat nahin
Us ke dil mein raah bhi paana jaane kaisa ho
Hum kya jaanein paar lagein ya aar rahein 'Khalid'
Rah gum karda mar khap jaana jaane kaisa ho
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں