سوچو تو کچھ نہ سمجھو سمجھو تو کچھ نہ بولو — خالد احمد
شاعر
سوچو تو کچھ نہ سمجھو سمجھو تو کچھ نہ بولو
سوچو تو کچھ نہ سمجھو سمجھو تو کچھ نہ بولو
پھر چپ کا حسن دیکھو بے کار لب نہ کھولو
نوحہ کناں ہواؤ شعلہ بہ جاں فضاؤ
دیکھو وہ جا رہا ہے جی بھر کے اس کو رو لو
ڈالے رہیں بسیرے خوابوں بھرے اندھیرے
محلوں کی آس رکھو کٹیا کے پٹ نہ کھولو
کوندے لپک رہے ہیں جذبے چمک رہے ہیں
صدیاں بلک رہی ہیں لمحوں کو یوں نہ رولو
ہر فاصلہ بڑا ہے ہر مرحلہ کڑا ہے
سورج اگر ہے پیچھے سائے کے ساتھ ہو لو
گل ہوں بکھر نہ جاؤں پل ہوں گزر نہ جاؤں
تکمیل کر لو اپنی آغوش میں سمو لو
دنیا فقط گماں ہے سب کچھ درون جاں ہے
جاگو ضرور خالدؔ آنکھیں مگر نہ کھولو
خالد احمد
Socho to kuchh na samjho samjho to kuchh na bolo
Socho to kuchh na samjho samjho to kuchh na bolo
Phir chup ka husn dekho be-kaar lab na kholo
Nauha kunaan hawao, shola ba jaan fizao
Dekho woh ja raha hai jee bhar ke us ko ro lo
Daale rahein basere khwabon bhare andhere
Mahalon ki aas rakho kuṭiya ke paṭ na kholo
Konde lapak rahe hain jazbe chamak rahe hain
Sadiyan bilak rahi hain lamhon ko yoon na rolo
Har faasla baṛa hai har marhala kaṛa hai
Sooraj agar hai peeche saa'e ke saath ho lo
Gul hun bikhar na jaaun pal hun guzar na jaaun
Takmeel kar lo apni aaghosh mein samo lo
Duniya faqat gumaan hai sab kuchh daroon-e-jaan hai
Jaago zaroor Khalid! Aankhein magar na kholo
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں