ترک تعلقات پہ رویا نہ تو نہ میں — خالد احمد
شاعر
ترک تعلقات پہ رویا نہ تو نہ میں
ترک تعلقات پہ رویا نہ تو نہ میں
لیکن یہ کیا کہ چین سے سویا نہ تو نہ میں
حالات کے طلسم نے پتھرا دیا مگر
بیتے سموں کی یاد میں کھویا نہ تو نہ میں
ہر چند اختلاف کے پہلو ہزار تھے
وا کر سکا مگر لب گویا نہ تو نہ میں
نوحے فصیل ضبط سے اونچے نہ ہو سکے
کھل کر دیار سنگ میں رویا نہ تو نہ میں
جب بھی نظر اٹھی تو فلک کی طرف اٹھی
بر گشتہ آسمان سے گویا نہ تو نہ میں
خالد احمد
Tark taalluqaat pe roya na tu na main
Tark taalluqaat pe roya na tu na main
Lekin ye kya ki chain se soya na tu na main
Haalaat ke tilism ne pathra diya magar
Beete samon ki yaad mein khoya na tu na main
Har chand ikhtilaaf ke pehlu hazaar the
Wa kar saka magar lab-e-goya na tu na main
Nauhe faseel-e-zabt se oonche na ho sake
Khul kar diyar-e-sang mein roya na tu na main
Jab bhi nazar uthi to falak ki taraf uthi
Bar gashta aasmaan se goya na tu na main
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں