تند خوئی پہ طنز کر جاؤں — خالد احمد
شاعر
تند خوئی پہ طنز کر جاؤں
تند خوئی پہ طنز کر جاؤں
بن کے خوشبو ہوا کے گھر جاؤں
دشمن جاں نفس نفس میرا
دھول کا پھول ہوں کدھر جاؤں
تو بھلائے تو کیا بھلائے مجھے
نشہ ہوں کس طرح اتر جاؤں
خود الجھتا ہوں خود سلجھتا ہوں
کچھ نکھر جاؤں کچھ سنور جاؤں
جسم اور عشق کے حوالے سے
میں تری روح میں اتر جاؤں
بت کو دیکھا تو بت ہوا خالدؔ
جی میں تھا دیکھ کر گزر جاؤں
خالد احمد
Tund khooyi pe tanz kar jau'n
Tund khooyi pe tanz kar jau'n
Ban ke khushboo hawa ke ghar jau'n
Dushman-e-jaan nafas nafas mera
Dhool ka phool ho'n kidhar jau'n
Tu bhulaye to kya bhulaye mujhe
Nasha ho'n kis tarah utar jau'n
Khud ulajhta ho'n khud sulajhta ho'n
Kuch nikhar jau'n kuch sanwar jau'n
Jism aur ishq ke hawale se
Main teri rooh mein utar jau'n
But ko dekha to but hua 'Khalid'
Jee mein tha dekh kar guzar jau'n
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں