ابھری نہ کوئی شکل نہ پیکر نظر آیا — خالد احمد
شاعر
ابھری نہ کوئی شکل نہ پیکر نظر آیا
ابھری نہ کوئی شکل نہ پیکر نظر آیا
تصویر میں رنگوں کا سمندر نظر آیا
اے دوست ترا شہر بھی ہے شہر طلسمات
چھوکر جسے دیکھا وہی پتھر نظر آیا
ہر شخص حقائق کی کڑی دھوپ کے ڈر سے
تانے ہوئے اوہام کی چادر نظر آیا
ہر شخص نیا شخص تھا جب غور سے دیکھا
انسان اک انسان کے اندر نظر آیا
میں خواب میں کل رات جسے چوم رہا تھا
جاگا تو اسی ہاتھ میں پتھر نظر آیا
جب بونے لگا بیج خیالات کے خالدؔ
ہر لفظ کا دامن مجھے بنجر نظر آیا
خالد احمد
Ubhri na koi shakal na paikar nazar aaya
Ubhri na koi shakal na paikar nazar aaya
Tazweer mein rangon ka samundar nazar aaya
Ae dost tera shahr bhi hai shahr-e-tilismaat
Chhookar jise dekha wohi patthar nazar aaya
Har shakhs haqaiq ki kadi dhoop ke dar se
Tane hue auhaam ki chadar nazar aaya
Har shakhs naya shakhs tha jab ghour se dekha
Insaan ek insaan ke andar nazar aaya
Main khwaab mein kal raat jise choom raha tha
Jaaga to usi haath mein patthar nazar aaya
Jab bone laga beej khayalaat ke 'Khalid'
Har lafz ka daman mujhe banjar nazar aaya
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں