وہ چرچا جی کے جھنجھٹ کا ہوا ہے — خالد احمد
شاعر
وہ چرچا جی کے جھنجھٹ کا ہوا ہے
وہ چرچا جی کے جھنجھٹ کا ہوا ہے
کہ دل کا پاسباں کھٹکا ہوا ہے
وہ مصرع تھا کہ اک گل رنگ چہرہ
ابھی تک ذہن میں اٹکا ہوا ہے
ہم ان آنکھوں کے زخمائے ہوئے ہیں
یہ ہاتھ اس ہاتھ کا جھٹکا ہوا ہے
یقینی ہے اب اس دل کی تباہی
یہ قریہ راہ سے بھٹکا ہوا ہے
گلہ اس کا کریں کس دل سے خالدؔ
یہ دل کب ایک چوکھٹ کا ہوا ہے
خالد احمد
Woh charcha ji ke jhanjhat ka hua hai
Woh charcha ji ke jhanjhat ka hua hai
Ke dil ka pasban khatka hua hai
Woh misra tha ke ik gul-rang chehra
Abhi tak zehn mein atka hua hai
Hum un aankhon ke zakhmay hue hain
Ye haath us haath ka jhatka hua hai
Yaqeeni hai ab is dil ki tabahi
Ye qarya raah se bhatka hua hai
Gila us ka karen kis dil se Khalid!
Ye dil kab ek chaukhat ka hua hai
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں