زمین کو پھول فضا کو گھٹائیں دیتا ہے — خالد احمد
شاعر
زمین کو پھول فضا کو گھٹائیں دیتا ہے
زمین کو پھول فضا کو گھٹائیں دیتا ہے
مجھے فلک سے وہ اب تک صدائیں دیتا ہے
وہی نوا گر عالم خدائے صوت و صدا
وہی ہوا کو فقط سائیں سائیں دیتا ہے
وہی کہیں گل نغمہ کہیں گل نوحہ
وہی غموں کو سروں کی قبائیں دیتا ہے
وہ کوہسار تخیر وہ آبشار ندا
خموشیوں کو بھی کیا کیا ندائیں دیتا ہے
کوئی تو روئے لپٹ کر جوان لاشوں سے
اسی لیے تو وہ بیٹوں کو مائیں دیتا ہے
خالد احمد
Zameen ko phool fiza ko ghaṭaayein deta hai
Zameen ko phool fiza ko ghaṭaayein deta hai
Mujhe falak se woh ab tak sadaayein deta hai
Wohi nawa-gar-e-aalam, Khuda-e-saut-o-sada
Wohi hawa ko faqat saaein saaein deta hai
Wohi kahin gul-e-naghma kahin gul-e-nauha
Wohi ghamon ko suron ki qabaayein deta hai
Woh kohsaar-e-takhayyur woh aabshaar-e-nida
Khamoshiyon ko bhi kya kya nidaayein deta hai
Koi to roye lipaṭ kar jawan laashon se
Isi liye to woh beton ko maayein deta hai
شاعر کے بارے میں
خالد احمد جدید اردو شاعری کے اُن اہم اور معتبر ناموں میں شمار ہوتے ہیں جنہوں نے غزل، نثر، تنقید اور ڈرامہ نگاری کے میدان میں نمایاں خدمات انجام دیں...
مکمل تعارف پڑھیں