اب کوئی ترا مثل نہیں ناز و ادا میں — پروین ام مشتاق
شاعر
اب کوئی ترا مثل نہیں ناز و ادا میں
اب کوئی ترا مثل نہیں ناز و ادا میں
انداز میں شوخی میں شرارت میں حیا میں
مغرور سے سرکش متواضع پہ ہوں قرباں
مٹی میں تو مٹی ہوں ہوا ہوں میں ہوا میں
کیا خوب وہ خود کرتے ہیں یوں اپنی ستائش
آفت ہوں جلانے میں قیامت ہوں جفا میں
غیرت نہیں آتی تمہیں ہر بات میں بیٹھے
الفت میں محبت میں مروت میں وفا میں
جب ہو دم آخر تو بچا لینے کی طاقت
پھر خاک شفا میں نہ کہیں آب بقا میں
وہ چاہے تو سب کچھ ہے نہ چاہے تو نہیں کچھ
تعویذ میں گنڈے میں فتیلہ میں دعا میں
اک ادنیٰ سا پردہ ہے اک ادنیٰ سا تفاوت
مخلوق میں معبود میں بندہ میں خدا میں
سرخی کے سبب خوب کھلا ہے گل لالہ
عارض میں لبوں میں کف دست و کف پا میں
عشاق کی خوں ریزی سے کیا فائدہ ظالم
مشغول ہو لاکھے میں تو مصروف حنا میں
عاشق تو ہمیشہ ہے محبت کی بدولت
الزام میں تقصیر میں عصیاں میں خطا میں
ہم بھی تھے کبھی خوبیٔ تقدیر سے پرویںؔ
عرفات میں مزدلفہ میں مکہ میں منا میں
Ab koi tera misl nahin naaz-o-ada mein
Ab koi tera misl nahin naaz o ada mein
Andaaz mein, shokhi mein, shararat mein, haya mein
Maghroor se sarkash mutavaze pe hun qurban
Mitti mein to mitti hun, hawa hun main hawa mein
Kya khoob wo khud karte hain yun apni sitaish
Aafat hun jalane mein, qayamat hun jafa mein
Ghairat nahin aati tumhein har baat mein baithe
Ulfat mein, mohabbat mein, muravvat mein, wafa mein
Jab ho dam aakhir to bacha lene ki taaqat
Phir khak-e-shifa mein, na kahin aab-e-baqa mein
Wo chahe to sab kuch hai, na chahe to nahin kuch
Ta'weez mein, gande mein, fateela mein, dua mein
Ek adna sa parda hai, ek adna sa tafawut
Makhlooq mein, Ma'bood mein, banda mein, Khuda mein
Surkhi ke sabab khoob khula hai gul-e-lala
Aariz mein, labon mein, kaf-e-dast-o-kaf-e-pa mein
Ushshaq ki khoon-rezi se kya faida zaalim
Mashghool ho laakh mein to, masroof hina mein
Aashiq to hamesha hai mohabbat ki badolat
Ilzam mein, taqseer mein, isyaan mein, khata mein
Hum bhi the kabhi khubi-e-taqdeer se Parveen
Arafat mein, Muzdalifa mein, Makka mein, Mina mein
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں