بہت دن درس الفت میں کٹے ہیں — پروین ام مشتاق
شاعر
بہت دن درس الفت میں کٹے ہیں
بہت دن درس الفت میں کٹے ہیں
محبت کے سبق برسوں رٹے ہیں
جنوں میں ہو گیا ہے اب یہ درجہ
کہ ہے حالت ردی کپڑے پھٹے ہیں
حرم سے واپسی پر میری دعوت
ہوئی مے خانہ میں میکش ڈٹے ہیں
بہت پیر مغاں ذی حوصلہ ہے
شراب ناب کے ساغر لٹے ہیں
ریاض و زہد کے جتنے تھے دھبے
وہ سارے نقش باطل اب مٹے ہیں
تبرک تھے مری توبہ کے ٹکڑے
بجائے نقل محفل میں بٹے ہیں
الم کے درد کے حسرت کے غم کے
مزے جتنے ہیں سارے چٹپٹے ہیں
نہیں بے وجہ واعظ رونی صورت
یہ حضرت آج رندوں میں پٹے ہیں
ہوئے جاروب کش اس در کے پرویںؔ
کہ سارے گرد مٹی میں اٹے ہیں
Bahut din dars-e-ulfat mein kaṭe haiñ
Bahut din dars-e-ulfat mein kaṭe haiñ
Muhabbat ke sabaq barsoñ raṭe haiñ
Junūñ mein ho gayā hai ab ye darja
Ki hai hālat radī kapṛe phaṭe haiñ
Haram se vāpasī par merī da.avat
Huī mai-ḳhāne mein maikash ḍaṭe haiñ
Bahut pīr-e-mughāñ zī-hausla hai
Sharāb-e-nāb ke sāghar luṭe haiñ
Riyāz-o-zuhd ke jitne the dhabbe
Vo sāre naqsh-e-bātil ab miṭe haiñ
Tabarruk the mirī tauba ke ṭukṛe
Bajā.e naql mahfil mein baṭe haiñ
Alam ke dard ke hasrat ke gham ke
Maze jitne haiñ sāre chaṭpaṭe haiñ
Nahīñ be-vajah vā.iz ronī sūrat
Ye hazrat āj rindoñ mein paṭe haiñ
Hu.e jārub-kash us dar ke Parvīn
Ki sāre gard miṭṭī mein aṭe haiñ
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں