غریب آدمی کو ٹھاٹ پادشاہی کا — پروین ام مشتاق
شاعر
غریب آدمی کو ٹھاٹ پادشاہی کا
غریب آدمی کو ٹھاٹ پادشاہی کا
یہ پیش خیمہ ہے ظالم تری تباہی کا
خدنگ آہ کو روکے رہا ہوں فرقت میں
خیال ہے مجھے افلاک کی تباہی کا
امید کیسے ہو محشر میں سرخ روئی کی
ہمیشہ کام کیا ہو جو رو سیاہی کا
سلام تک نہیں لیتے کلام تو کیسا
فقیری میں بھی تبختر ہے بادشاہی کا
شکست و فتح کا ذمہ نہیں دل ناداں
لڑے ہزار میں یہ کام ہے سپاہی کا
خضاب کرتے ہیں دنیا سے جب گئے گزرے
شگون کرتے ہیں پیری میں رو سیاہی کا
نہ آسماں کی عنایت نہ مہرباں وہ شوخ
نہ پوچھو حال غریبوں کی بے پناہی کا
سفید بالوں پہ کس واسطے خضاب لگائیں
گیا زمانہ جوانی میں رو سیاہی کا
خطائیں ہو گئیں معدوم حج سے اے پرویںؔ
گواہ خود ہے خدا میری بے گناہی کا
Gharīb ādmī ko ṭhāṭ bādshāhī kā
Gharīb ādmī ko ṭhāṭ bādshāhī kā
Ye pesh-ḳhaima hai zālim tirī tabāhī kā
Khadang-e-āh ko roke rahā hūñ furqat mein
Khayāl hai mujhe aflāk kī tabāhī kā
Ummīd kaise ho mahshar mein surḳh-rūī kī
Hamīsha kām kiyā ho jo rū-siyāhī kā
Salām tak nahīñ lete kalām to kaisā
Faqīrī mein bhī tabaḳhtur hai bādshāhī kā
Shikast-o-fatḥ kā zimma nahīñ dil-e-nādāñ
Laṛe hazār mein ye kām hai sipāhī kā
Khizāb karte haiñ duniyā se jab ga.e guzre
Shugūn karte haiñ pīrī mein rū-siyāhī kā
Na āsmāñ kī ināyat na meherbāñ vo shoḳh
Na pūchho hāl gharīboñ kī be-panāhī kā
Safed bāloñ pe kis vāste khizāb lagā.eñ
Gayā zamāna javānī mein rū-siyāhī kā
Khatā.eñ ho ga.īñ ma.adūm hajj se ai Parvīn
Gavāh ḳhud hai ḳhudā merī be-gunāhī kā
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں