میرے لیے ہزار کرے اہتمام حرص — پروین ام مشتاق
شاعر
میرے لیے ہزار کرے اہتمام حرص
میرے لیے ہزار کرے اہتمام حرص
میں وہ ہوں مجھ پہ ڈال سکے گی نہ دام حرص
ہے کچھ نہ کچھ ہر آدمی کو لا کلام حرص
لیکن نہ اس قدر کہ بنا لے غلام حرص
اے زلف پھیل پھیل کے رخسار کو نہ ڈھانک
کر نیم روز کی نہ شہ ملک شام حرص
واعظ شراب و حور کی الفت میں غرق ہے
ہے سر سے پاؤں تک یہ ستمگر تمام حرص
دل چھین عاشقوں کے مگر ہوشیار رہ
ایسا نہ ہو کہ دل کو بنا لے غلام حرص
ناقص رہیں گے سارے تلون سے کاروبار
کرنے نہ دے گی تجھ کو یہاں کوئی کام حرص
قبضہ اٹھائے گی نہ دل روزگار سے
جب تک نہ زندگی کا کرے اختتام حرص
مدت سے اشتیاق ہے بوس و کنار کا
گر حکم ہو شروع کرے اپنا کام حرص
پرویںؔ لگی ہوئی ہے خدا سے مجھے امید
دل کو مرے بنائے نہ اپنا غلام حرص
Mere li.e hazār kare ihtimām-e-hirs
Mere li.e hazār kare ihtimām-e-hirs
Maiñ vo hūñ mujh pe ḍāl sakegī na dām-e-hirs
Hai kuchh na kuchh har ādmī ko lā-kalām hirs
Lekin na is qadar ki banā le ghulām-e-hirs
Ai zulf phail phail ke ruḳhsār ko na ḍhāñk
Kar nīm-roz kī na shah-e-mulk-e-shām hirs
Vā.iz sharāb-o-hūr kī ulfat mein gharq hai
Hai sar se pā.oñ tak ye sitamgar tamām hirs
Dil chhīn āshiqoñ ke magar hoshiyār rah
Aisā na ho ki dil ko banā le ghulām-e-hirs
Nāqis raheñge sāre talavvun se kārobār
Karne na de gī tujh ko yahāñ koī kām hirs
Qabza uṭhā.e gī na dil rozgār se
Jab tak na zindagī kā kare iḳhtitām-e-hirs
Muddat se ishtiyāq hai bos-o-kanār kā
Gar hukm ho shurū.a kare apnā kām hirs
Parvīn lagī huī hai ḳhudā se mujhe ummīd
Dil ko mere banā.e na apnā ghulām-e-hirs
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں