بہت سے زمیں میں دبائے گئے ہیں — پروین ام مشتاق
شاعر
بہت سے زمیں میں دبائے گئے ہیں
بہت سے زمیں میں دبائے گئے ہیں
بہت ان کے عاشق جلائے گئے ہیں
ہمیشہ سے عاشق ستائے گئے ہیں
ہمیں کیا نئے یاں جلائے گئے ہیں
اندھیرا نہ ہونے دیا وصل کی شب
وہ شمعوں پہ شمعیں جلائے گئے ہیں
نہیں بے سبب ان کو مجھ سے رکاوٹ
بہت ہی سکھائے پڑھائے گئے ہیں
نہیں وصل کی ان سے فرمائش آساں
بہت منہ بگاڑے بنائے گئے ہیں
اداؤں کے ناموں کے غمزوں کے مجھ پر
بہت چور پہرے بٹھائے گئے ہیں
نگاہوں کی چھریاں اداؤں کے خنجر
بہت میرے دل پر لگائے گئے ہیں
لڑایا ہے شہ دے کے لوگوں نے ہم کو
بہت روز نقشے جمائے گئے ہیں
میں نالاں نہ تھا تیرے جور و جفا سے
زمانہ کے دل کیوں دکھائے گئے ہیں
دل و دیدہ دو گھر ہیں تشریف لائیں
سنوارے گئے ہیں سجائے گئے ہیں
یہ دنیا ہے اس میں ہمیشہ سے انساں
بگاڑے گئے ہیں بنائے گئے ہیں
بنی آدم اعضائے یک دیگر اند
کہ مٹی سے ہم تم بنائے گئے ہیں
زمیں سے ہی آئے زمیں ہی میں جانا
اسی سے بگاڑے بنائے گئے ہیں
ہمیں پر نہیں ظلم دنیا میں پرویںؔ
بہت لوگ یاں آزمائے گئے ہیں
Bahut se zameen mein dabaye gaye hain
Bahut se zameen mein dabaye gaye hain
Bahut unke aashiq jalaye gaye hain
Hamesha se aashiq sataye gaye hain
Hamein kya naye yaan jalaye gaye hain
Andhera na hone diya vasl ki shab
Wo sham'on pe sham'ein jalaye gaye hain
Nahin be-sabab unko mujh se rukawat
Bahut hi sikhaye padhaye gaye hain
Nahin vasl ki unse farmaish aasan
Bahut munh bigade banaye gaye hain
Adaon ke namon ke ghamzon ke mujh par
Bahut chor pehre bithaye gaye hain
Nigahon ki chhadiyan, adaon ke khanjar
Bahut mere dil par lagaye gaye hain
Ladaya hai sheh de ke logon ne hum ko
Bahut roz naqshe jamaye gaye hain
Main nalaan na tha tere jaur-o-jafa se
Zamane ke dil kyun dikhaye gaye hain
Dil-o-deeda do ghar hain, tashreef layein
Sanware gaye hain, sajaye gaye hain
Ye duniya hai, is mein hamesha se insaan
Bigade gaye hain, banaye gaye hain
Bani Adam aza-e-yak digar and
Ke mitti se hum tum banaye gaye hain
Zameen se hi aaye, zameen hi mein jaana
Isi se bigade, banaye gaye hain
Hamein par nahin zulm duniya mein Parveen
Bahut log yaan aazmaye gaye hain
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں