دیکھو تو ذرا غضب خدا کا — پروین ام مشتاق
شاعر
دیکھو تو ذرا غضب خدا کا
دیکھو تو ذرا غضب خدا کا
ظالم نے مجھی کو پہلے تاکا
اللہ اتا کرے قناعت
نسخۂ واجب الادا کا
دل دیتا ہوں مفت اور کوئی
پرساں نہیں نقد ناروا کا
واں مجھ پہ جفائیں ہو رہی ہیں
یاں ورد ہے لفظ مرحبا کا
آنا ہو تو نزع میں ہوں آؤ
یہ وقت نہیں ہے التوا کا
اب آئے ہو بن کے تم مسیحا
جب وقت گزر چکا دوا کا
دامن میں رواں ہیں اشک گلگوں
محضر ہے یہ خون مدعا کا
لایا تو ہے ان کو جذب الفت
آیا تو ہے دھیان بے نوا کا
میں ہو ہی چکا تھا زندہ درگور
تم آ گئے شکر ہے خدا کا
دنیا سے گزر چکے تو پرویںؔ
جھگڑا نہ رہا فنا بقا کا
Dekho to zarā ghazab ḳhudā kā
Dekho to zarā ghazab ḳhudā kā
Zālim ne mujhī ko pahle takā
Allāh atād kare qanā.at
Nuḳhsā-e-vā.jib-ul-adā kā
Dil detā hūñ muft aur koī
Pursāñ nahīñ naqd-e-nāravā kā
Vāñ mujh pe jafā.eñ ho rahī haiñ
Yāñ vird hai lafz-e-marhabā kā
Ānā ho to naz.a mein hūñ ā.o
Ye vaqt nahīñ hai iltavā kā
Ab ā.e ho ban ke tum masīhā
Jab vaqt guzar chukā davā kā
Dāman mein ravāñ haiñ ashḳ-e-gulgūñ
Mahzar hai ye ḳhūn-e-mudda.ā kā
Lāyā to hai in ko jazb-e-ulfat
Āyā to hai dhyān be-navā kā
Maiñ ho hī chukā thā zinda dar-gur
Tum ā ga.e shukr hai ḳhudā kā
Duniyā se guzar chuke to Parvīn
Jhagaṛā na rahā fanā baqā kā
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں