دل کی چوری میں جو چشم سرمہ سا پکڑی گئی — پروین ام مشتاق
شاعر
دل کی چوری میں جو چشم سرمہ سا پکڑی گئی
دل کی چوری میں جو چشم سرمہ سا پکڑی گئی
وہ تھا چین زلف میں یہ بے خطا پکڑی گئی
صبح کوئے یار میں باد صبا پکڑی گئی
یعنی غیبت میں گلوں کی مبتلا پکڑی گئی
دل چڑھا مشکل سے طاق ابروئے خم دار پر
سو جگہ رستہ میں جب زلف رسا پکڑی گئی
جان کر آنکھیں چرائیں تو نے ہم سے بزم میں
تیری چوری دیکھ لی کیا بد نما پکڑی گئی
ہے اسی میں قلب محزوں شرطیہ کہتا ہوں میں
کھول مٹھی تیری چوری مہ لقا پکڑی گئی
مست ہو کر اس کی خوشبو سے گرا تھا بچ گیا
جب سنبھلنے کو وہ زلف مشک سا پکڑی گئی
ہر طرف صحن چمن میں کہتی پھرتی ہے نسیم
گل سے ہنستی کھلکھلاتی موتیا پکڑی گئی
اپنے ہاتھوں پر لئے پھرتے ہیں وہ ہر دم حلف
آڑ قسموں کی تو مجھ سے بارہا پکڑی گئی
رخ سے گل کو تھا تعلق زلف سے سنبل کو میل
ایک جا گانٹھا اسے یہ ایک جا پکڑی گئی
یار ہے خنجر بکف اور جاں نثاروں کا ہجوم
ہائے یہ کس جرم میں خلق خدا پکڑی گئی
آپ ہی کا آسرا ہے آپ کیجے گا مدد
حشر میں پرویںؔ اگر یا مصطفیٰ پکڑی گئی
Dil ki chori mein jo chashm-e-surma sa pakdi gayi
Dil ki chori mein jo chashm-e-surma sa pakdi gayi
Woh tha chain zulf mein, ye be-khata pakdi gayi
Subah koo-e-yaar mein baad-e-saba pakdi gayi
Ya'ni ghaibat mein gulon ki mubtala pakdi gayi
Dil chadha mushkil se taaq-e-abroo-e-khamdaar par
Sau jagah raste mein jab zulf-e-rasa pakdi gayi
Jaan kar aankhein churaayi tu ne hum se bazm mein
Teri chori dekh li kya bad-numa pakdi gayi
Hai isi mein qalb-e-mahzoon shartiya kehta hoon main
Khol mutthi teri chori mah-laqa pakdi gayi
Mast ho kar us ki khushboo se gira tha bach gaya
Jab sambhalne ko woh zulf-e-mushk-sa pakdi gayi
Har taraf sahn-e-chaman mein kehti phirti hai naseem
Gul se hansti khilkhilaati motiya pakdi gayi
Apne haathon par liye phirte hain woh har dam halaf
Aad qasmon ki to mujh se baarha pakdi gayi
Rukh se gul ko tha ta'alluq, zulf se sumbul ko mail
Ek ja gaandha use, ye ek ja pakdi gayi
Yaar hai khanjar ba-kaf aur jaan-nisaaron ka hujoom
Haaye ye kis jurm mein khalq-e-Khuda pakdi gayi
Aap hi ka aasra hai, aap keejiye ga madad
Hashar mein Parveen agar ya Mustafa pakdi gayi
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں