دل میں تیر عشق ہے اور فرق پر شمشیر عشق — پروین ام مشتاق
شاعر
دل میں تیر عشق ہے اور فرق پر شمشیر عشق
دل میں تیر عشق ہے اور فرق پر شمشیر عشق
کیا بتائیں پڑ گئی ہے پاؤں میں زنجیر عشق
دیکھنے والے یہ کہتے ہیں کتاب دہر میں
تو سراپا حسن کا نقشہ ہے میں تصویر عشق
کوہ کن اور قیس مل جائیں تو میں ان سے کہوں
لے گئے کیا ساتھ ہی قبروں میں تم تاثیر عشق
واہ رے انصاف اتنا بھی نہ واں پوچھا گیا
یہ قصور حسن ہے یا اصل میں تاثیر عشق
بات کرنے سے بھی نفرت ہو گئی دل دار کو
واہ رے اظہار الفت واہ رے تاثیر عشق
کیا سبب کیا وجہ کیوں آ کر نکل جائے شکار
کیوں نشانہ پر نہ جائے گا ہمارا تیر عشق
پہلے اپنا سر قلم کروائے پھر تیار ہو
ہر کسی کا کام ہے جو لکھ سکے تفسیر عشق
دولت دیدار حسب مدعا حاصل ہوئی
مل گئی جس شخص کو تقدیر سے اکسیر عشق
حسن جاناں کی کشش دنیا میں باقی رہ گئی
بد نصیبی سے ہماری اڑ گئی تاثیر عشق
تو بھی گل کے آئینے پر کھینچ دے تصویر حسن
میں بھی بلبل کو سناؤں باغ میں تقریر عشق
کیا شکایت اس کی پرویںؔ یہ تو ہوتی آئی ہے
پہلے الفت کی تھی عزت اور نہ اب توقیر عشق
Dil mein teer-e-ishq hai aur farq par shamshir-e-ishq
Dil mein teer-e-ishq hai aur farq par shamshir-e-ishq
Kya bataayein pad gayi hai paaon mein zanjeer-e-ishq
Dekhne waale ye kehte hain kitaab-e-dahr mein
Tu sarapa husn ka naqsha hai main tasveer-e-ishq
Kohkan aur Qais mil jaayen to main un se kahoon
Le gaye kya saath hi qabron mein tum taaseer-e-ishq
Wah re insaaf itna bhi na wahan poocha gaya
Ye qasoor-e-husn hai ya asl mein taaseer-e-ishq
Baat karne se bhi nafrat ho gayi dil daar ko
Wah re izhaar-e-ulfat, wah re taaseer-e-ishq
Kya sabab kya wajah kyun aa kar nikal jaaye shikar
Kyun nishaana par na jaayega hamara teer-e-ishq
Pehle apna sar qalam karwaaye phir tayyar ho
Har kisi ka kaam hai jo likh sake tafseer-e-ishq
Daulat-e-deedaar hasb-e-muddaa haasil hui
Mil gayi jis shakhs ko taqdeer se ikseer-e-ishq
Husn-e-jaanaan ki kashish duniya mein baaqi reh gayi
Bad-naseebi se hamari ud gayi taaseer-e-ishq
Tu bhi gul ke aaine par kheench de tasveer-e-husn
Main bhi bulbul ko sunaun baagh mein taqreer-e-ishq
Kya shikayat us ki Parveen, ye to hoti aayi hai
Pehle ulfat ki thi izzat aur na ab tauqeer-e-ishq
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں