ہے اپنے قتل کی دل مضطر کو اطلاع — پروین ام مشتاق
شاعر
ہے اپنے قتل کی دل مضطر کو اطلاع
ہے اپنے قتل کی دل مضطر کو اطلاع
گردن کو اطلاع نہ خنجر کو اطلاع
بے پردہ آج نکلے گا پردہ نشیں مرا
کر دے یہ کوئی مہر منور کو اطلاع
چھپ چھپ کے اب جو نکلو تو معلوم ہو مزہ
کر دی ہے میں نے آپ کے گھر بھر کو اطلاع
بلبل نہ باز آئیو فریاد و آہ سے
کب تک نہ ہوگی قلب گل تر کو اطلاع
کس طرح کر دیا دل نازک کو چور چور
اس واقعہ کی خاک ہے پتھر کو اطلاع
کیا کام انقلاب کا کچھ بھی نہیں یہاں
دور فلک کے دورۂ ساغر کو اطلاع
ہٹ جائے اک طرف بت کافر کی راہ سے
دے کوئی جلد دوڑ کے محشر کو اطلاع
چلنے بھی وہ نہ پائے تھے اپنے مقام سے
پہلے سے ہو گئی دل مضطر کو اطلاع
میں سخت جاں ہوں قصد کرے دیکھ بھال کر
پہلے سے ہو گئی ہے یہ خنجر کو اطلاع
پرویںؔ ریاض خلد میں کس کس کو جام دیں
پہلے سے ہے یہ ساقیٔ کوثر کو اطلاع
Hai apne qatl ki dil-e-muztar ko ittila'
Hai apne qatl ki dil-e-muztar ko ittila'
Gardan ko ittila', na khanjar ko ittila'
Be-parda aaj niklega parda-nasheen mera
Kar de ye koi meher-e-munawwar ko ittila'
Chhup chhup ke ab jo niklo to maloom ho maza
Kar di hai main ne aap ke ghar bhar ko ittila'
Bulbul na baaz aaiyo faryaad-o-aah se
Kab tak na hogi qalb-e-gul-e-tar ko ittila'
Kis tarah kar diya dil-e-nazuk ko choor choor
Is waqea ki khaak hai patthar ko ittila'
Kya kaam inquilab ka kuch bhi nahin yahan
Daur-e-falak ke daura-e-saghar ko ittila'
Hat jaye ek taraf but-e-kafir ki raah se
De koi jald daud ke mahshar ko ittila'
Chalne bhi wo na paaye the apne maqam se
Pehle se ho gai dil-e-muztar ko ittila'
Main sakht jaan hun, qasd kare dekh bhaal kar
Pehle se ho gai hai ye khanjar ko ittila'
Parveen, riyaaz-e-khuld mein kis kis ko jaam dein
Pehle se hai ye saaqi-e-kausar ko ittila'
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں