ہزار شرم کرو وصل میں ہزار لحاظ — پروین ام مشتاق
شاعر
ہزار شرم کرو وصل میں ہزار لحاظ
ہزار شرم کرو وصل میں ہزار لحاظ
نہ نبھنے دے گا دل زار و بے قرار لحاظ
نہ گد گداؤ مجھے میں بھی تم کو چھیڑوں گا
میں کر چکا ہوں تمہارا ہزار بار لحاظ
نقاب اٹھنے کی جرأت کہیں نہ کر بیٹھے
بڑھائے کیوں دل مضطر کا اضطرار لحاظ
شراب پی چکے بے چارہ کو اجازت دو
کھڑا ہے دیر سے رخصت کو اے نگار لحاظ
میں مدح سنج ہوں دل سے ترے تلون کا
نہ پائیدار ہے الفت نہ پائیدار لحاظ
بتاؤ تو یہ رہے گا وصال میں کب تک
ہمارے ہاتھ کے بدلے گلے کا ہار لحاظ
کریں جو آپ تجاہل تو کیوں نہ سمجھاؤں
کرے حضور کہاں تک وفا شعار لحاظ
وہ اپنے سر کو ذرا بھی اٹھا نہیں سکتے
جھکی ہوئی ہے جو گردن تو ہے سوار لحاظ
جو ان سے پوچھو تو ان کے خلاف ہے شوخی
جو ہم سے پوچھو تو ہم کو ہے ناگوار لحاظ
تکلف اٹھتے ہی پرویںؔ وہ خوب کھل کھیلے
ہوا ہے شوخیوں سے کتنا بے وقار لحاظ
Hazar sharm karo vasl mein hazar lihaaz
Hazar sharm karo vasl mein hazar lihaaz
Na nibhne dega dil-e-zaar-o-be-qarar lihaaz
Na gad-gudao mujhe, main bhi tum ko chhedunga
Main kar chuka hun tumhara hazar bar lihaaz
Naqab uthne ki jurrat kahin na kar baithe
Badhaye kyun dil-e-muztar ka iztirar lihaaz
Sharāb pee chuke, bechare ko ijazat do
Khada hai der se rukhsat ko ay nigaar lihaaz
Main mad'h-sanj hun dil se tere talawwun ka
Na paayedaar hai ulfat, na paayedaar lihaaz
Batao to ye rahega visal mein kab tak
Hamare haath ke badle gale ka haar lihaaz
Karein jo aap tajahul to kyun na samjhaun
Kare Huzoor kahan tak wafa-sha'ar lihaaz
Wo apne sar ko zara bhi utha nahin sakte
Jhuki hui hai jo gardan to hai sawaar lihaaz
Jo un se poochho to unke khilaf hai shokhi
Jo hum se poochho to hum ko hai na-gawar lihaaz
Takalluf uthte hi Parveen, wo khoob khul khele
Hua hai shokhion se kitna be-waqar lihaaz
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں