جاتا رہا قلب سے ساری خدائی کا عشق — پروین ام مشتاق
شاعر
جاتا رہا قلب سے ساری خدائی کا عشق
جاتا رہا قلب سے ساری خدائی کا عشق
قابل تعریف ہے تیرے فدائی کا عشق
کیسی مصیبت ہے یہ گل کو خموشی کا شوق
بلبل بیتاب کو ہرزہ سرائی کا عشق
پڑ گئی بکنے کی لت ورنہ یہاں تک نہ تھا
واعظ نافہم کو ہرزہ سرائی کا عشق
کرتا ہوں جو بار بار بوسۂ رخ کا سوال
حسن کے صدقے سے ہے مجھ کو گدائی کا عشق
تم کو خدا نے دیا ساری خدائی کا حسن
مجھ کو عطا کر دیا ساری خدائی کا عشق
عاشق و معشوق کی ہائے نبھے کس طرح
ان کو کدورت کا شوق مجھ کو صفائی کا عشق
پوچھ لے پرویںؔ سے یا قیس سے دریافت کر
شہر میں مشہور ہے تیرے فدائی کا عشق
Jaata raha qalb se saari khudai ka ishq
Jaata raha qalb se saari khudai ka ishq
Qaabil-e-tareef hai tere fidai ka ishq
Kaisi museebat hai ye gul ko khamoshi ka shauq
Bulbul-e-betaab ko harza-sarai ka ishq
Pad gai bikne ki lat varna yahan tak na tha
Wa'iz-e-na-fehm ko harza-sarai ka ishq
Karta hun jo baar baar bosa-e-rukh ka sawal
Husn ke sadqe se hai mujh ko gadai ka ishq
Tum ko Khuda ne diya saari khudai ka husn
Mujh ko ata kar diya saari khudai ka ishq
Aashiq-o-mashooq ki haaye nibhe kis tarah
Un ko kudurat ka shauq, mujh ko safai ka ishq
Poochh le Parveen se ya Qais se daryaft kar
Shehr mein mash'hoor hai tere fidai ka ishq
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں