جس طرح دو جہاں میں خدا کا نہیں شریک — پروین ام مشتاق
شاعر
جس طرح دو جہاں میں خدا کا نہیں شریک
جس طرح دو جہاں میں خدا کا نہیں شریک
تیرے جمال میں نہیں کوئی حسیں شریک
میں بھی ترا فدائی ہوں مجھ پہ بھی رحم کھا
جب تک ہے اس گمان میں کچھ کچھ یقیں شریک
اس کے ستم ہی کم ہیں جو اوروں کا نام لوں
ہے آسماں شریک نہ اس میں زمیں شریک
روز جزا امید ہے سب کو سزا ملے
اقدام قتل میں ہیں مرے سب حسیں شریک
اے بدر تیرا دعویٔ یکتائی سب غلط
جملہ صفات میں ہے ترے وہ جبیں شریک
سچ پوچھئے تو جان جہاں میرے قتل میں
ترچھی نظر کے ساتھ ہی چین جبیں شریک
واعظ تو باغ حسن کی اک بار سیر کر
ممکن ہے دل کشی میں ہو خلد بریں شریک
کیا وجہ تیرے ظلم و ستم میں مزا نہیں
اے دور چرخ آج وہ شاید نہیں شریک
بھیجا پیام جلسہ تو انداز سے کہا
عرصہ ہوا کہ ہم نہیں ہوتے کہیں شریک
پرویںؔ غلط ہے ان کو سمجھنا جدا جدا
ہیں جسم و جاں کی طرح سے دنیا و دیں شریک
Jis tarah do jahāñ mein ḳhudā kā nahīñ sharīk
Jis tarah do jahāñ mein ḳhudā kā nahīñ sharīk
Tere jamāl mein nahīñ koī hasīñ sharīk
Maiñ bhī tirā fidāī hūñ mujh pe bhī rahm khā
Jab tak hai is gumān mein kuchh kuchh yaqīñ sharīk
Us ke sitam hī kam haiñ jo auroñ kā nām lūñ
Hai āsmāñ sharīk na is mein zamīñ sharīk
Roz-e-jazā ummīd hai sab ko sazā mile
Iqdām-e-qatl mein haiñ mere sab hasīñ sharīk
Ai Badr terā da.avā-e-yaktāī sab ghalat
Jumla sifāt mein hai tere vo jabīñ sharīk
Sach pūchhie to jān-e-jahāñ mere qatl mein
Tirchhī nazar ke sāth hī cīn-e-jabīñ sharīk
Vā.iz tū bāgh-e-husn kī ik bār sair kar
Mumkin hai dilkashī mein ho ḳhuld-e-barīñ sharīk
Kyā vajah tere zulm-o-sitam mein mazā nahīñ
Ai daur-e-charḳh āj vo shāyad nahīñ sharīk
Bhejā payām-e-jalsa to andāz se kahā
Arsa huā ki ham nahīñ hote kahīñ sharīk
Parvīn ghalat hai un ko samajhnā judā judā
Haiñ jism-o-jāñ kī tarah se duniyā-o-dīñ sharīk
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں