جو چار آدمیوں میں گناہ کرتے ہیں — پروین ام مشتاق
شاعر
جو چار آدمیوں میں گناہ کرتے ہیں
جو چار آدمیوں میں گناہ کرتے ہیں
خدا کی دی ہوئی عزت تباہ کرتے ہیں
بتوں کے ہوتے جو مہ پر نگاہ کرتے ہیں
قسم خدا کی بڑا ہی گناہ کرتے ہیں
بڑا ہی ظلم خدا کی پناہ کرتے ہیں
ہم آہ آہ تو وہ واہ واہ کرتے ہیں
وہ بوسہ دیتے نہیں گورے گورے گالوں کا
تمہیں گواہ ہم اے مہر و ماہ کرتے ہیں
بتو تمہیں پہ فدا ہیں بتو تمہیں پہ نثار
یقیں نہ ہو تو خدا کو گواہ کرتے ہیں
کبھی وہ دیکھتے ہیں اپنے تیغ و بازو کو
کبھی وہ غیظ سے مجھ پر نگاہ کرتے ہیں
مجال کیا ہے جو لوں نام اپنے قاتل کا
تمہیں پہ لوگ مگر اشتباہ کرتے ہیں
خیال رکھتے ہیں ہر وقت دوستی کا شریف
اسی طرح سے ہمیشہ نباہ کرتے ہیں
گناہ کیا ہے جو دل سے عزیز رکھتے ہیں
بنے ہو یوسف ثانی تو چاہ کرتے ہیں
اگر ہو صبر و قناعت کی دولت اے پرویںؔ
گدا بھی کرتے ہیں وہ ہی جو شاہ کرتے ہیں
Jo chaar aadmiyon mein gunaah karte hain
Jo chaar aadmiyon mein gunaah karte hain
Khuda ki di hui izzat tabah karte hain
Buton ke hote jo mah par nigah karte hain
Qasam Khuda ki bada hi gunaah karte hain
Bada hi zulm Khuda ki panah karte hain
Hum aah aah to woh wah wah karte hain
Woh bosa dete nahin gore gore gaalon ka
Tumhein gawah hum aye mehr-o-maah karte hain
Buto! Tumhein pe fida hain, buto! Tumhein pe nisaar
Yaqeen na ho to Khuda ko gawah karte hain
Kabhi woh dekhte hain apne tegh-o-bazoo ko
Kabhi woh ghaiz se mujh par nigah karte hain
Majaal kya hai jo loon naam apne qaatil ka
Tumhein pe log magar ishtibah karte hain
Khayal rakhte hain har waqt dosti ka shareef
Isi tarah se hamesha nibah karte hain
Gunaah kya hai jo dil se azeez rakhte hain
Bane ho Yusuf-e-Saani to chah karte hain
Agar ho sabr-o-qana'at ki daulat aye Parveen
Gada bhi karte hain woh hi jo shah karte hain
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں