جو دل مرا نہیں مجھے اس دل سے کیا غرض — پروین ام مشتاق
شاعر
جو دل مرا نہیں مجھے اس دل سے کیا غرض
جو دل مرا نہیں مجھے اس دل سے کیا غرض
چلنی نہ ہو جو راہ تو منزل سے کیا غرض
ڈوبوں گا گر ہے میرے مقدر میں ڈوبنا
غواص بحر عشق کو ساحل سے کیا غرض
وہ دل کو دیکھتا ہے نہ اعمال ظاہری
لیلیٰ کے خواست گار کو محمل سے کیا غرض
سنتا ہے کون عاشقوں کی آہ و زاریاں
گوش چمن کو شور عنادل سے کیا غرض
ہم اس کے شیفتہ ہیں رقیبوں سے واسطہ
گل سے غرض ہے فوج عنادل سے کیا غرض
مرتا ہوں اور جا نہیں سکتا سوئے عدم
مجھ ناتواں کو طوق و سلاسل سے کیا غرض
کیوں در پئے تلاش ہیں احباب و اقربا
پرویںؔ شہید ناز کو قاتل سے کیا غرض
Jo dil mirā nahīñ mujhe us dil se kyā gharaz
Jo dil mirā nahīñ mujhe us dil se kyā gharaz
Chalni na ho jo rāh to manzil se kyā gharaz
Ḍūbūñgā gar hai mere muqaddar mein ḍūbnā
Ghāvās-e-bahr-e-ishq ko sāhil se kyā gharaz
Vo dil ko dekhtā hai na a.amāl-e-zāhirī
Lailā ke ḳhāstgār ko mahmil se kyā gharaz
Suntā hai kaun āshiqoñ kī āh-o-zāriyāñ
Gosh-e-chaman ko shor-e-anādil se kyā gharaz
Ham us ke shīfta haiñ raqīboñ se vāsta
Gul se gharaz hai fauj-e-anādil se kyā gharaz
Martā hūñ aur jā nahīñ saktā sū-e-adam
Mujh nātawāñ ko tauq-o-salāsil se kyā gharaz
Kyūñ dar pai-e-talāsh haiñ ahbāb-o-aqribā
Parvīn shahīd-e-nāz ko qātil se kyā gharaz
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں