کریں گے ظلم دنیا پر یہ بت اور آسماں کب تک — پروین ام مشتاق
شاعر
کریں گے ظلم دنیا پر یہ بت اور آسماں کب تک
کریں گے ظلم دنیا پر یہ بت اور آسماں کب تک
رہے گا پیر یہ کب تک رہوگے تم جواں کب تک
خداوندا انہیں کس دن شعور آئے گا دنیا کا
رہیں گی بے پڑھی لکھی ہماری لڑکیاں کب تک
پھرے گا اور کتنے دن خیالی پار گھوڑے پر
اڑے گا شعر گوئی میں نہ انجن کا دھواں کب تک
عنان حکمرانی دیکھیے کس دن خدا لے گا
رہیں گے قسمتوں پر حکمراں یہ آسماں کب تک
دئے جائیں گے کب تک شیخ صاحب کفر کے فتوے
رہیں گی ان کے صندوقچہ میں دیں کی کنجیاں کب تک
چلی جائے گی اک ہی رخ ہوا تاکہ زمانہ کی
نہ پورا ہوگا تیرا دور یہ اے آسماں کب تک
تحمل ختم ہوتے ہی بڑی بد نامیاں ہوں گی
تمہارے خوف سے پرویںؔ نہ کھولے گی زباں کب تک
Karenge zulm duniya par ye but aur aasman kab tak
Karenge zulm duniya par ye but aur aasman kab tak
Rahega peer ye kab tak rahoge tum jawaan kab tak
Khudawanda inhein kis din shu'oor aayega duniya ka
Rahengi be-padhi likhi hamari ladkiyan kab tak
Phirega aur kitne din khayali paar ghode par
Udega sher goi mein na engine ka dhuan kab tak
Inaan-e-hukmrani dekhiye kis din Khuda le ga
Rahenge qismaton par hukmraan ye aasman kab tak
Diye jayenge kab tak shaikh sahab kufr ke fatwe
Rahengi un ke sandooqcha mein deen ki kunjiyaan kab tak
Chali jayegi ek hi rukh hawa taake zamana ki
Na poora hoga tera daur ye aye aasman kab tak
Tahammul khatm hote hi badi badnamiyan hon gi
Tumhare khauf se Parveen na kholegi zabaan kab tak
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں