خاک کر ڈالیں ابھی چاہیں تو مے خانہ کو ہم — پروین ام مشتاق
شاعر
خاک کر ڈالیں ابھی چاہیں تو مے خانہ کو ہم
خاک کر ڈالیں ابھی چاہیں تو مے خانہ کو ہم
ایک ساغر کو بھرو تم ایک پیمانے کو ہم
مجھ سے ہم آغوش ہو کر یوں کہا اور سچ کہا
ہوشیار اس طرح کر دیتے ہیں دیوانے کو ہم
نزع میں آئے ہیں صد افسوس جیتے جی نہ آئے
وہ ہیں آنے کو تو اب تیار ہیں جانے کو ہم
بے نتیجہ ان پہ مرنا یاد آتا ہے ہمیں
شمع پر جب دیکھتے ہیں مرتے پروانے کو ہم
کوہ کن اور قیس کی قبروں سے آتی ہے صدا
کیا مکمل کر گئے الفت کے افسانے کو ہم
ایک پتا بھی نہیں ہلتا بجز حکم خدا
کس طرح آباد کر لیں اپنے ویرانے کو ہم
ایک دن یہ ہے کہ ہیں اک شمع رو پر خود نثار
ایک دن وہ تھا برا کہتے تھے پروانے کو ہم
ابرووں نے سچ کہا اس کے اشارہ کی ہے دیر
دیکھتے بالکل نہیں پھر اپنے بیگانے کو ہم
جان جائے یا رہے اس کو سنائیں گے ضرور
قیس کے پردہ میں پرویںؔ اپنے افسانے کو ہم
Khaak kar dalen abhi chahein to mai-khana ko hum
Khaak kar dalen abhi chahein to mai-khana ko hum
Ek saghar ko bharo tum, ek paimaane ko hum
Mujh se hum-aaghosh ho kar yun kaha aur sach kaha
Hoshiyar is tarah kar dete hain deewaane ko hum
Naza mein aaye hain sad afsos jeete ji na aaye
Wo hain aane ko to ab tayyar hain jaane ko hum
Be-natija un pe marna yaad aata hai hamein
Shama' par jab dekhte hain marte parwaane ko hum
Koh-kan aur Qais ki qabron se aati hai sada
Kya mukammal kar gaye ulfat ke afsaane ko hum
Ek patta bhi nahin hilta bajuz hukm-e-Khuda
Kis tarah aabad kar len apne veeraane ko hum
Ek din ye hai ke hain ek sham'a-roo par khud nisaar
Ek din wo tha bura kehte the parwaane ko hum
Abroon ne sach kaha uske ishaare ki hai der
Dekhte bilkul nahin phir apne begaane ko hum
Jaan jaye ya rahe is ko sunaenge zaroor
Qais ke parda mein Parveen, apne afsaane ko hum
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں