خدا کے فضل سے ہم حق پہ ہیں باطل سے کیا نسبت — پروین ام مشتاق
شاعر
خدا کے فضل سے ہم حق پہ ہیں باطل سے کیا نسبت
خدا کے فضل سے ہم حق پہ ہیں باطل سے کیا نسبت
ہمیں تم سے تعلق ہے مہ کامل سے کیا نسبت
مہ کنعاں کو میرے اس مہ کامل سے کیا نسبت
زلیخا کے ملوث دل کو میرے دل سے کیا نسبت
ہمہ کا رم زخود کامی بہ بدنامی کشید آخر
کبھی میں نے نہ سوچا راز کو محفل سے کیا نسبت
کہے جاتا ہے جو واعظ سنے جاتے ہیں ہم لیکن
جو اہل دل نہیں اس کو ہمارے دل سے کیا نسبت
مجھے ہے صدمۂ ہجراں عدو کو سیکڑوں خوشیاں
مرے اجڑے ہوئے گھر کو بھری محفل سے کیا نسبت
خدا ہی پھر بھروسہ ہے خدا ہے ناخدا میرا
وگرنہ میں بھنور میں ہوں مجھے ساحل سے کیا نسبت
فراق یار میں میرا دل مضطر نہ ٹھہرے گا
تمہیں سوچو سکوں کو طائر بسمل سے کیا نسبت
کنیز حضرت مشکل کشا ہوں دل سے میں پرویںؔ
تعلق مجھ کو آسانی سے ہے مشکل سے کیا نسبت
Khuda ke fazl se hum haq pe hain baatil se kya nisbat
Khuda ke fazl se hum haq pe hain baatil se kya nisbat
Humein tum se ta'alluq hai mah-e-kaamil se kya nisbat
Mah-e-Kinaan ko mere is mah-e-kaamil se kya nisbat
Zulekha ke mulawwis dil ko mere dil se kya nisbat
Hama ka ramz khud-kaami ba badnaami kashid akhir
Kabhi main ne na socha raaz ko mahfil se kya nisbat
Kahe jaata hai jo waaiz, sune jaate hain hum lekin
Jo ahl-e-dil nahin us ko hamare dil se kya nisbat
Mujhe hai sadma-e-hijraan, adoo ko saikdon khushiyan
Mere ujde hue ghar ko bhari mahfil se kya nisbat
Khuda hi phir bharosa hai, Khuda hai nakhuda mera
Wagarna main bhanwar mein hoon, mujhe saahil se kya nisbat
Firaq-e-yaar mein mera dil muztar na thehrega
Tumhein socho sukoon ko taair-e-bismil se kya nisbat
Kaneeza-e-Hazrat Mushkil Kusha hoon dil se main Parveen
Ta'alluq mujh ko asaani se hai mushkil se kya nisbat
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں